3年啦…終於到我去旅行啦！🙋🏻♀️
記得疫情開始前，我就在計劃清邁之旅，點知臨出發前幾日，泰國就封關了…Sad到無朋友！😢
家陣有得飛，梗係立即去返轉泰國圓夢啦！小編之所以熱愛泰國，皆因無論機票或物價都相對日本便宜，去邊都唔洗睇價錢牌，大爺咁款，個感覺幾爽皮！
本身我就想直飛清邁，但疫情關係，香港飛清邁直航停咗（據說12月先有返），所以最後我個Trip就Plan咗曼谷＋清邁，中途坐內陸機接駁~(可想而知，我對清邁幾咁異常執著😂～)
✈️ 揀HK Express 慳旅費
至於機票，今次我就揀HK Express去曼谷～原因好簡單，慳得就慳，去到泰國就洗多啲！😝而且去曼谷先兩個鐘，咁短途，真心坐唔坐 budget airline都分別不大！連稅叫埋個飛機餐都係二千鬆啲，以而家水漲船高嘅機票價格嚟講，真心抵！仲有得揀黃昏機，慳返半日假，開心仔～！
✨ 疫情前後 出國流程分別
講少少由Check in到登機… 整體流程同疫情前都大同小異，純粹係回程返香港時，真係建議大家最好預早一個鐘到機場，填定啲煩膠健康申報for入境香港！返到去0＋3，仲要做3次核酸及連續撩7日鼻哥… 香港防疫政策真係膠到世界盡頭…😐
飛機餐方面，整體我會建議試主食多過小食。好似今次我揀嘅海南雞，口味比較偏馬拉式（？），有啲辣辣地，幾惹味；另一款芝士熱狗就乾咗少少，有點可惜，但條香腸勁好食！😝
🚕 Grab Taxi 泰國市區四通八達
抵達泰國後，我多數call的周圍去～有啲似 Uber咁，down個Grab Taxi App落手機，再輸入想去嘅地址，就會自動彈埋個價錢～幾錢一目了然，唔怕比人昆～
另外，我好愛泰國嘅原因就係的士費勁平！7蚊港紙起計，喺市中心去邊都好，平均一程都係廿零蚊，幾個朋友夾坐，好鬼抵！
不過記得喺香港就要Down定，綁好信用卡，因為要手機短訊驗證，無漫遊就GG~😅
講住咁多，下篇再待續…:D
★－:+:－:+:－:+:－:+:－★
Travel Memo
◌ 簽證：持特區護照或BNO均毋須簽證
◌ 貨幣：HK $1約兌THB ฿4.59
◌ 機票：由香港乘坐HK Express來回曼谷，機票價格約HK$2500（12月至1月）
★－:+:－:+:－:+:－:+:－★
鳴謝：HK Express、泰國政府旅遊局(香港)
留言 0