【CONY開箱】OREO雪糕隨時有得食　脆皮雪糕批超有驚喜

又到CONY講古仔時間，喺好耐好耐以前，即係大概20年前啦，打從某快餐店將OREO同雪糕溝埋一齊，佢地兩個就好似變咗世紀絕配，直到今時今日CONY都會間唔時去食返杯過下口癮 。殊不知，CONY收到風，OREO終於自己推出雪糕，並於多個歐亞大城市引起熱話，而家仲嚟到香港，咁我以後咪可以隨時隨地食個夠囉！

OREO一口氣推出咗2款產品，包括杯裝雪糕和脆皮雪糕批。杯裝雪糕細細杯，食完都唔會太有邪惡感，而且奶香十足，質感亦更幼滑，仲有OREO碎鋪在面層，味道更加濃郁，亦更有口感。

不過相比雪糕杯，CONY覺得脆皮雪糕批更有驚喜，絕對值得一試。

雪糕批的脆皮以大量OREO碎混合朱古力製成，比平常的朱古力脆皮更厚，多咗一重鬆化口感，OREO味道亦比平時食開嘅曲奇雪糕香濃更多，完全將滋味提升。

銷售點：7-11便利店獨家發售