36E陳婉衡開健身班 全男班學員場場Book爆為籮

擁36E魔鬼身材的陳婉衡（Alycia）是無綫御用咪神，著三點式出鏡多過著晚裝，曾主持《 Go! Yama Girl》及《3日2夜》等節目，靠惹火body極速上位，為賺多個錢，近年她練成馬甲線和蜜桃臀，成功考獲健身教練牌，早前更在陳庭欣男友楊振源（Benny）投資的健身室「掛牌」做星級導師。

撰文、圖片：東方新地

陳婉衡地獄式健身練成蜜桃臀

有前有後的陳婉衡號召力甚強，掛牌後即成「紅牌教練」，一星期一堂的核心肌肉訓練堂，個個星期都爆場，男賓為求一睹其蜜桃臀，個個爭住book期上堂，志不在運動，𥄫女為本，依家仲做大酬賓，只需88蚊就可以搵陳婉衡試玩操肌，真係抵到爛。

陳婉衡（Alycia）於12年參選港姐入行，雖然三甲不入，卻憑激凸身材成為無綫御用咪神，深知自己的身材就是最大的本錢，陳婉衡當然要好好利用，除了在節目中著三點式搶收視外，近年她更努力鍛鍊自己的身體，進行地獄式健身，練成全身肌肉加結實的蜜桃臀，成功考獲健身教練牌，藝人以外兼職做教練。

開健身班全男班學員場場Book爆為𥄫籮

身為健身室老闆娘的陳庭欣，於年初搞噱頭力邀陳婉衡助陣執教鞭，咪神開班消息一傳出，隨即惹來大批男賓搶住上堂，每堂廿個名額秒速被 book爆，據知情者透露：「有睇開無綫都知 Alycia（陳婉衡）身材有幾堅挺，本來健身室諗住開蜜桃臀修練班，想吸引一班 OL女賓，點知冇乜女仔報，反而班男賓就一窩蜂搶住上，最後咪改成核心肌肉訓練囉！早前健身室受疫情影響要停開，開番之後再推出試堂優惠，其中一堂可以揀星級導師，參加嘅九成九係男士，仲要指定上Alycia嗰堂，能夠近距離接觸同欣賞，真係機會難逢，堂堂都好難 book。」有上過陳婉衡堂的男賓透露，雖然她是星級導師但絕不欺場，全程親身示範好落力，不過現場男賓 hea多過做，扮做唔到又博咪神出手教，大家對眼都離唔開陳婉衡的36E巨咪同蜜桃臀，根本都唔係有心去健身，目的只為𥄫女。

陳婉衡平時著三點式都任𥄫，著緊身運動服更加唔使驚，畀人𥄫吓蜜桃臀又唔會蝕嘅，兼職教健身個個月爆堂有過萬人工，何樂而不為呢？