本土原創劇《向西聞記》點擊破 200萬，引起全城熱話後，由何珮瑜 ( Jeana )、連詩雅 ( Shiga )、雨僑 ( Ava ) 、陳嘉莉( Kelly ) 、鄭欣宜 ( Joyce )，連同孫耀威、蔡瀚億 (Babyjohn)、郭偉亮( Eric Kwok )、鄒文正 ( Terry ) 及栢天男主演的現代女性話題劇《性敢中環》，將繼《向西聞記》後在Netflix上架。
《性敢中環》將於6月11日率先在香港平台 hmvod上架，Netflix 則暫定7月19日全球播放。第一集講述 Shiga 飾演的心理醫生，經常要面對有性難題的病人，Shiga表示：「最難嘅地方係要時時記得用專業嘅口脗，講嘢要講番低啲聲，因為我個人偏向高音，所以要成日提醒自己。最搞笑就係，講所有嘢都懶係有道理但又要演繹出能醫不自醫咁。」各演員知道《性敢》在 Netflix 上架的消息後都非常開心，Shiga 指自己和身邊的朋友都很喜歡看Netflix ，相信可以讓更多人看到這部劇集。
Jeana是美劇迷，亦有看《Sex and the City》，所以拍到類似題材又可以上Netflix很感恩，好像夢想成真一樣。「呢套劇出街後，一定引到很多觀眾的共鳴！」雨僑則表示很開心，因為自己屋企部電視本來都係長開Netflix，所以可以睇到自己拍嘅劇當然很開心。「劇集可以上到Netflix呢類媒體，令到個創作空間可以更闊，大家可以發揮更多，電視生態上是一件好好的事，依家電視劇可以拍到電影咁，我都好開心可以參與其中。」欣宜直言覺得很威水，可以在一個國際平台上架真是好興奮。「希望有更多觀眾可以睇到！」而 Kelly 亦表示好開心好開心。
Text：機
