呢間位於太子嘅老字號鴻運冰廳餅店，因為星爺電影《行運一條龍》而為人所知，早前餅店因為內部裝修而暫停營業約一個月，今個星期終於重開！懷舊裝修大致保留，走上閣樓嘅梯級、舊時鐘等，依然有老香港嘅風味。
呢到唔單只係食個懷舊環境，佢哋嘅曲奇皮蛋撻更加係高水準之作，曲奇皮十分鬆脆，而新鮮出爐時蛋漿焗至剛熟，中間甚至仍有流心效果，熱辣辣又十分滑溜。
賣至 $12 一個也可以話係物有所值，即使外賣，其曲奇撻皮仍是鬆化脆口，各位蛋撻控絕對唔可以錯過。
地址：旺角上海街 726 號地下
營業時間：6am-7:30pm
電話：2392 6038
留言 0