大量主人將倉鼠送往漁護署遭網民炮轟：「養咗兩年都送過去！？」

近日疫情反覆，政府發現有倉鼠染上病毒，所以下令「禁鼠令」，而不少市民亦將自己的倉鼠帶到去漁護署進行「人道毀滅」，希望避開染疫風險。而該事情一出，亦引來大批網民不滿。

大量主人將倉鼠送往漁護署遭網民炮轟：「養咗兩年都送過去！？」

昨日TVB節目《東張西望》就報導了關於倉鼠被交往人道毀滅，而片段中可見有不少市民都帶同自己飼養的倉鼠前往漁護署。一名家長被問道：「驚唔驚小朋友會唔開心？」，他就指自己與小朋友已經商量過，又指因為手上的倉鼠是新買和同一批次，所以決定帶來人道毀滅。小朋友在受訪時都指自己十分傷心和十分不捨。

另一名家長直言：「有啊！個女話唔捨得囉」，又指倉鼠已經飼養兩年。當女兒被問到時更無奈表示：「唔想送佢嚟」以及十分不捨得。不過母親就指「無辦法」，因為疫情嚴重才狠下毒手。

另一對母女都話唔捨得，個女仲要哽咽表示：「天意嚟，有啲嘢唔係你就唔係你嘅。」，兩母女都指已為倉鼠準備好所有所需物，但無奈疫情爆發。事後送完隻倉鼠入去之後都一路喊住出嚟。

有網民直轟：「根本合法棄養」，暗指這類人本身都不想養才作出該舉動。又有網民對於其中一對母女將飼養2年的倉鼠都拎過嚟感到憤怒，直言：「是咪onX，養開嘅倉鼠根本就冇影響。」

不少網民都炮轟片段中作出棄養的人士，直言這類人十分冷血，又指他們會得到同一報應。最後《東張西望》記者都致電「香港倉鼠關注協會」，負責人指現時單日收到的棄養倉鼠超過一個月數量，又指街頭棄養的人做法十分不理智，會有機會引起隱形傳播鏈。

真係好慘…