【Sally出遊】哈囉喂「鬼」咁開心 與Sanrio聯手搞科幻驚

未到10月，海洋公園一班嘩鬼已經蠢蠢欲動，又要驚又要玩的Sally急不及待試玩「哈囉喂」，今年有多個鬼屋加入多媒體互動元素，包括360度投影、VR虛擬實境和AR擴增實境等技術，令驚嚇程度倍升。另外還有一班Sanrio家族化身成可愛嘩鬼，帶來多個合家歡景點，小朋友一定玩到「鬼」咁開心！

海洋公園昨日（26日）舉行哈囉喂揭幕禮，除了有「龍婆」羅蘭姐坐鎮外，今年還加入了麥明詩飾演智能機械人，她們以一身人工智能裝扮，介紹今年主打的鬼屋「X異域」和「妖怪大捕手」。而馬明則率領Sanrio家族可愛現身，與Hello Kitty、Little Twins Star、布甸狗和梳乎蛋等，為HELLO-ween Party打響頭炮。

今年哈囉喂融合了多種高科技元素，海洋公園與城市大學創意媒體學院合作設計的鬼屋「X異域」，就運用了全港首個360度投影及光雕投影投術，創造出一個異次元數碼空間，讓邪惡AI的投影全方位狙擊遊客，Sally就算識飛都逃不出AI的魔爪，好驚驚呀！

如果遊客覺得「X異域」太驚嚇的話，Sally推介男女老少都一定啱玩的「妖怪大捕手」，遊客需要手持配備智能手機的特製滅魔神弓，透過AR擴增實境技術找出妖魔，再拉弓將它們擊倒便能順利通關。不過到了夜晚，鬼屋將變身成「血祭地獄門」，遊客會反過來被猛鬼追捕，雖然玩法傳統，但勝在夠真實。

另外，還有以醫院、深海、森林為主題的鬼屋，而Sally最期待的就是「腥」級版越礦飛車，越礦飛車本來就刺激感十足，再加上VR虛擬實境眼鏡，Sally齋諗已經驚到暈⋯⋯

今年海洋公園首次與Sanrio合作， Hello Kitty、Kuromi、布甸狗、玉桂狗和梳乎蛋等人氣角色以限定萬聖節造型登場，和小朋友大玩互動遊戲，Sally還與海盗Kitty合照留念。此外，遊客還可以在限定商店購買各款聯乘獨家「HELLO-ween」主題精品。

海洋公園哈囉喂全日祭
日期：10月5日至10月31日當中16個指定日子
門票：成人$860/小童$430
網址：https://www.oceanpark.com.hk/tc/park-experience/halloween-fest-2018-family-friendly