【唔係偏方】劉小慧公開老中醫濕疹秘方「蛋黃油」5日治好友人濕疹

劉小慧近來頻頻做acebook直播，每次更用心預備了不同的生活小法寶、煮餸竅門同大家分享。日前，她開直播教整「紓緩濕疹的法寶」，影片獲近4萬次觀看。小慧自稱「得閒修女」，熱心幫朋友解決難題，今次佢教有濕疹困擾的朋友，用超簡單、平價的材料自家製純天然的「濕疹油」。

撰文：Coco | 圖片：劉小慧Facebook

劉小慧直播教整老中醫濕疹秘方

劉小慧今次分享治療濕疹的法寶原來是「蛋黃油」，本草綱目記載名為「雞子油」，即是用猛火將蛋黃炒至出油，當作藥油之用。小慧介紹：「呢個絕對唔係偏方，係我一位好勁嘅中醫師教我，我一直都無呢個問題，所以冇乜機會試，但醫師話老一輩嘅老人家都會知，只是老人家唔會上網，所以就冇咁多人講。」

「蛋黃油」5日治好友人濕疹

小慧將「蛋黃油」讓患有濕疹的好友Carmen試用，只花5日就已經得以紓緩，Carmen形容「一試見效」，即時止癢之餘，也讓原本出水的傷口快速止水、埋口。雖然至今濕疹未完全痊癒，但手臂部位的濕疹已逐漸結痂，而關節位置因經常「郁動」，則需花較長時間恢復。小慧表示：「平時類固醇藥膏醫生建議只能1日用2次，但蛋黃油可以一有需要就用。」

這種「蛋黃油」不需要花錢買，在家自製即可。小慧就邀請老公蘇志威入鏡幫手煮，首先預備材料只有一樣，就是已經烚熟的雞蛋黃（注意：只用蛋黃不要蛋白）。然後，利用猛火在不銹鋼鑊，不用落油，直接將蛋黃下鑊不停翻炒。她指，蛋黃份量可跟個人需要調整，可用2至20隻不等。炒蛋黃油期間，需要不停用鑊剷壓碎、翻炒蛋黃，炒燶至出油，待冷卻後就可入樽備用。