【旺角美食】旺角抵食$100有找鐵板烤扒　美國穀飼西冷/斧頭扒/龍蝦湯/蝦子麵

有時想食高質鋸扒唔一定要二三百蚊先食到，而旺角最近有間西餐廳「街坊Cafe」新推出$100有找鐵板扒餐，最平$89就食到，仲有多款扒類選擇。當中有燒美國黑毛豬、燒紐西蘭肉眼扒等。另外$99就食到美國穀飼西冷、斧頭扒等，店主堅持全部肉扒都不添加鬆肉粉，保證原汁原味。餐廳亦有其他意粉、小食、甜品選擇，下次同朋友去試試啦～

旺角最近有間西餐廳「街坊Cafe」新推出各款鐵板扒餐，最平$89就食到！

店主堅持全部肉扒都不添加鬆肉粉，即叫即煎，保證原汁原味。

燒美國黑毛豬($89)

鐵板燒美國穀飼西冷($99)，肉質軟腍，牛味濃。

燒美國穀飼豬斧頭扒($99)，份量十足，足足有手掌一般大。

鐵板扒餐可加錢跟配龍蝦湯，味道濃郁鮮甜。

海鮮龍蝦汁蟹籽蝦子麵($108)

餐廳採用永樂麵廠出品的蝦子麵，麵質彈牙，帶蝦子香。

街坊小食拼盤($108)，有水牛城雞翼、吉列蟹肉忌廉薯餅、豬肉腸、薯格。

另外，餐廳提供多款特色甜品。

Tiramisu吉士雞蛋仔伴雪糕($68)，香脆的雞蛋仔配上雪糕，口感豐富。

士多啤梨荷蘭班戟伴雪糕($78)，班戟散發啖啖牛油味香。

下次同朋友經過去試試啦～

活動資訊

• 地點: 旺角通菜街1號威達商業大厦地下1E,F& H號舖
• 開放時間: 星期一至四、日12:00至23:00；星期五至六12:00至23:30
• 電話: 90613820