靈堂版《係咁先啦》被瘋傳！《造星III》旨呈殯儀館辦音樂會：希望大家有所思考

九龍殯儀館在剛過去的重陽節（11日）舉辦了首個開放日，活動請來曾參加《全民造星III》的享樂團主音旨呈，舉行一個破格的音樂會，旨呈其後在Threads上載當日表演，其中他演唱的靈堂版《係咁先啦》片段被瘋傳，有人大讚可以「笑住講拜拜」，有人則覺得「不尊重先人」。

影片連結

旨呈早前在Threads分享靈堂版《係咁先啦》影片，並指：「呢一首歌係最多人揀選希望喺殯儀館靈堂裏面玩嘅一首歌，亦都都真係有好多人DM我！表示自己親友曾經喺殯儀館用呢首歌嚟講再見！」影片中可聽到歌詞被改寫成：「走先啦係咁先啦，下世再玩啦，有下世嘅話」、「來讓我一個走，Sayonara各位親友」。

不少網友盛讚靈堂版《係咁先啦》，能緩和靈堂的沉重氣氛：「 我都想自己最後一程係自己最在意嘅人可以笑住講拜拜」、「聽完有種莫名既感動。可以為留下來的人準備一份禮物，也許係喪禮既另一種意義」、「親友唔會心情咁沈重」、「令我對死亡有重新的理解和感受」、「輕鬆活躍嘅告別式，唔駛只有傷感嘅畫面」。

旨呈之後分享了完整歌單，除了《係咁先啦》，還有《風的形狀》、《活著viva》、《活着多好》、《最後晚餐》等。

對於有傳媒翻出旨呈母親是香港上市公司「現代美容」創辦人兼主席曾裕，旨呈的家庭背景隨著這次靈堂演唱會再引起討論，他在Threads亦有回應：「你可以唔滿意我屋企有錢，冇問題！但大家係真心為今次殯儀館分享，落咗好多心機希望大家能夠有所思考。可以試吓花多啲心思了解吓先至作評論。悲歡離合喜怒哀樂。釋懷。」

不知道你又有甚麼看法？歡迎留言分享。

圖片來源：Threads @andy3think

《好有脆》專門發掘社交媒體熱門帖文，所有內容及相片版權均屬發布人擁有。