公司難得安排除夕夜收早 打工仔多口附和上司 竟令早收變加班仲得罪同事

打工仔記緊要時刻慎言慎行，以免得罪人都唔知！有上班族日前在討論區分享，指公司罕有地在除夕日容許員工提早放工，不過他在文件中發現數據出現問題，而其上司亦在除夕前的會議中提出同樣問題，他於是表明自己都覺得「條數有啲怪」，結果上司要求同事在31日收工前再交報告，令眾人隨時無得早放，還有可能要加班。事後同事面色都「無好過」，但事主則坦言自己只是實事求是，反問「唔通睇住有問題都唔出聲咩？」

撰文：Wendy | 圖片來源：香港討論區截圖、TVB劇集《愛回家之開心速遞》截圖

開會前發現文件有問題

這名打工仔除夕日早上於香港討論區發文，指他任職的公司提早一星期已宣布員工可在當日提早兩小時放工，由於此舉實屬罕見，事主形容當時公司上下員工都很開心。至30日開會前，他翻查PowerPoint發現當中有一處數字出現問題，於是向上司了解，上司則表示留待下周一上班時再處理，又稱「因為阿姐知道咗嘅話，一定會叫大家處理好先好收工」。

附和阿姐變相要加班

到了30日正式開會，事主的阿姐果然留意到數字有問題，遂問其他同事有否發現同樣問題，事主坦言，既然阿姐都覺得有問題，所以就在會上附和阿姐，稱「我都覺條數有啲怪」，結果阿姐要求眾人馬上更正文件，並在31日放工前重新交報告。

沒想到此事竟引發事主與同事相處的矛盾，他直言由於文件牽涉不同部門的同事，所以眾人大有機會當日無法早放，更有可能要加班，同事的面色亦「去到今朝都冇好過」。事主對此大感無奈，認為公事上有錯就應先處理，「其實我都係實事求是，唔通睇住有問題都唔出聲咩？」

對此網民則意見兩極，有人認為既然直屬上司都認為情況可以稍後再處理，而且事件牽涉其他部門及多位同事，理應也無法在一日內處理好，認為事主也無需著急。另亦有人認為事主做法沒有錯，直指「如果明知公司啲嘢有問題，但為咗早放就唔理，咁唔太理想囉」。