The Ritz-Carlton「Steiff 小熊節慶下午茶」

食 tea 最享受嘅除咗係可以同朋友吹下水，就係可以睇靚景，周圍又可以打下卡。黎到位處高樓嘅 The Ritz-Carlton 酒店，就得以一次過滿足晒所有願望。趁著聖誕，佈置了以熊為題嘅 Steiff 巨型聖誕小熊 bear bear 酒店大堂，人人都要企埋去影下靚相，走進 103 樓的 Café 103，從落地大玻璃觀賞對岸景色，幸運地遇上藍天，陽光照射入室內，好溫暖啊！臨近聖誕，梗係要黎感受下節日氣氛啦！除咗自己享用美食，香港麗思卡爾頓酒店亦再一次跟生命小戰士會合作，搞咗個「守護天使」禮物饋贈行動。邀請協會嘅癌症兒童及其康復者，在卡片上寫下佢地嘅聖誕願望，並展示於酒店 Café 103 嘅聖誕樹上。酒店誠邀住客及餐廳客人慷慨解囊，致力實現孩子的願望。好有義意㗎！

我就同友人享用咗「Steiff 小熊節慶下午茶」，Café 103 及大堂酒廊同時會由即日開始，直至1 月 2 日供應，想同親朋好友來嘆個下午茶，順便睇埋個靚海景，就快啲去試下啦！

「Steiff 小熊節慶下午茶」係德國著名手製玩偶品牌Steiff 同The Ritz-Carlton cross over，之前早有合作，所以個tea stand熟口熟面，都係那個熊仔形狀，甜品師傅將一件件茶點放上去，好有feel㗎！介紹下啲茶點：鹹點有四款，甜點有五款，另外有原味鬆餅及蔓越莓鬆餅，抹上果醬及奶油忌廉，一流。