友利坊結合港式燒味及西方烹飪方式的創意西餐有質素就人人都知，其鎮店之寶——美國梅頭叉燒推出以來，更是大獲街坊好評。宜家大家就算足不出戶，都可以買到友利坊出品嘅靚叉燒（$68-$88），皆因小店近期宣佈網上雜貨店正式開張，出售凍肉、火鍋速遞、冷凍餸包等糧油雜貨，將多款「好西」送到大家屋企。其招牌叉燒首日於網店上架，不足半小時已被街坊掃清光，不少為食人士都大嘆「搶唔切」。
見銷情如此火爆，本刊即追問負責人爆炸頭，他表示由於疫情問題，來貨運輸受到影響，所以未能承諾大家叉燒的上架時間與貨量，但會堅持每日盡量補貨，請大家留意官方專頁Update。除了叉燒外，小店的美國梅頭豬扒、法國雞中翼等凍肉，皆以招牌秘製醬汁醃好，方便大家即煮即食。網店亦有海底椰花膠赤肉、無花果龍脷葉鱷魚肉等多款養生湯料包，等大家滋補一番、養好身子抗疫。
爆炸頭亦透露新蒲崗分店目前已經籌備得七七八八、即將重開，分店會主要做外賣，有售明爐叉燒及無骨豉油雞等招牌菜式。至於正式開業日子，爆炸頭則笑言要視乎負責該分店的年輕人「生唔生性」，當他們的出品合乎水準就隨時可以開張，請各位街坊耐心等待。
【友利坊網店】
傳送門：bit.ly/3MDWEPR
【友利坊新蒲崗分店】
地址：新蒲崗康強街23號地下
文｜Layne
圖｜友利冰室 x 勿當奴
💛FOLLOW AndThen.hk
📘Facebook: AndThen.hk
📷Instagram: @andthenhk
Ⓜ️MeWe: AndThen.hk
留言 0