【靚湯邊爐】濃郁金湯花膠雞🥘真新鮮手切牛🍹任飲自由斟調酒！

睇到尾圖嘅灰底紅字牆身，可能都有人認得呢間嚴峻小店，佢地新開一排已經超受歡迎，可能因為咁老闆撈得掂，今次再黎見到又多咗啲裝修。

呢到主打金湯火鍋同新鮮牛肉，自家調較同熬製靚湯，未打邊爐已經飲到冇乜湯，而家仲有惹味烤串燒，仲要有大酒自助任飲任溝，今鋪真係自由斟，小心返唔到屋企。

🥘招牌金湯花膠雞 (9折後$196)
真心足料嘅湯底，睇片都見唔少蟲草花、杞子、紅棗，加埋花膠、靚雞、南瓜同自家炒起嘅金湯醬，熬到鮮甜到極，重點係未打邊爐，都有排食鍋料同飲湯。

🥩手切新鮮牛肉
🥢雪花 (9折後$115) 🥢吊籠 (9折後$106)
🥢匙柄 (9折後$97) 🥢五花趾 (9折後$97)
🥢封門柳 (9折後$97)
每日新鮮直送嘅靚牛肉，自家手切唔係急凍嘢，超推薦嗌雪花，油花超靚，而且油脂濃香，肉質嫩滑肥美，新鮮牛真係唔同啲。

🔸配料
🥢秘製牛肉 (9折後$61) 🥢牛粉腸 ($58)
🥢加州桶蠔 (9折後$151) 🥢沙白蜆 (9折後$43) 🥢白鱔 (9折後$70)
🍥手打黑松露墨魚丸 (9折後$61)
值得一提嘅係，啲丸全自家手提，呢款散發黑松露濃香，口感又夠彈牙，好食過出邊唔少鋪頭。

🔸串燒
🥢燒饅頭(9折後$20) 🥢牛脷(9折後$29)
🥢牛胸爽(9折後$25) 🥢雞皮(9折後$23)
🥢金菇肥牛卷(9折後$29)
串燒都係超長大串，而且係調味極惹味果種，烤得焦香漏油，而燒饅頭一定係大家最愛，類似炸饅頭，配煉奶超邪惡。

🔸自助任飲調酒+汽水 (+$198) / 任飲汽水 (+$98)
超癲嘅大酒全部自由斟，例如Whisky/Vodka/Gin咁，而且仲有topping自己加，可以扮Bartender調酒，配埋串燒同打邊爐真心一流，任飲小心醉。

金鍋清湯火鍋
🗺️佐敦廟街259A號怡齡閣地下D號舖
📞55335349
❇️而且加咗任飲之後，全單仲有9折，聽講做到2月中！

生活