夏日熱辣辣熱辣辣，好熱好熱，咁熱嘅天氣，除了特登去享受陽光與海灘之外，其餘的時間大部分人都只想留在室內涼冷氣。不過其實出街玩都可以好涼快，例如去溜冰、睇戲等，亦有唔少商場會花花心思，讓客人過得更爽。以樂富廣場為例，今個夏天就為大家帶來-20℃的冰屋、6米高烈風滑梯等，大家留港都可以過個冰涼夏日！
先講動感冰夏Summer Freeze活動中的冰極Cool’gloo體驗，大家可以免費入去一間達到零下20℃的冰屋避暑降溫，入面的特色佈置好適合大家打卡影相。記者親身入去試過，雖然地方較細，但感覺真係好凍，算是不錯的體驗。而講明係商場活動，消費滿指定金額就可以利用「冰極通行證」優先進場，亦可以換取冰極飲品或冰感首飾，實在係冰全部都係冰。
活動另一亮點是一條高6米的「8號風球滑梯」，顧名思義瀡下來的時侯大家會感受到烈風的威力，這效果全靠梯下4部強力吹風機。齋望覺得滑梯小兒科，但上到去其實都頗高，感覺有少少恐怖。而強風亦會令大家真．頭髮亂了，各位女士介意的話就要注意了。
樂富廣場－動感冰夏Summer Freeze
日期：7月12日（星期四）至8月19日（星期日）
開放時間：下午12時至晚上8時
留言 0