相信為人父母者，都希望小朋友好好讀書，將來出人頭地，過上好的生活。為此，如今的小朋友一般2歲就會入讀N班，課後也會參與大大小小的興趣班或補習班，打好基礎。在一般人眼裡，「催谷」生活難免過於壓力，少了童真可言。一名港女就在網上透露自己未為人母，因此無法理解父母逼迫孩子考第一的心態，引起廣泛討論。
Photo from 《俗女養成記2》
父母讀書唔叻又要逼仔女考第一？
日前有位女網民透過討論區發帖，透露自己不時和已為人母的好姐妹聊媽媽經，發現讀書時期表現並不好的她們有了孩子後，就會希望小朋友可以考到第一名，因此小朋友2歲起就要上學前預備班（N班），若是父母覺得幼稚園功課不夠多，還會上網打印教材讓小朋友完成。版主認為朋友們的做法實際是在逼迫子女：「以前我哋讀書唔叻而家咪又係好地地有份工做，明明大人細個讀書都唔叻點解要強逼自己小朋友讀書好叻次次考100分？」
Photo from 《你好再見，媽媽》
讀書和天份有關？
此外，版主亦認為讀書和天份息息相關，若是父母本身不是聰明人，倒不如多花時間幫助小朋友探索其他興趣愛好，或是多關心小朋友的校園生活，關注他們的心靈健康發展，以免變成書呆子：
「話就話望子成龍，但係讀書呢啲有少少都係講天份強逼唔嚟㗎喎。有時間逼啲小朋友讀書讀成點，不如用呢啲時間關心吓佢返學發生咩事或者搵吓佢有冇其他方面嘅才能，關心佢心靈健康唔係仲好咩？讀書幾叻但係讀到傻咗都唔知點算⋯⋯」
最後版主表示自己「未做人阿媽」，或許真的體會不了各位媽媽的心路歷程，希望網民解答這究竟是何種心態。
Photo from 《愛回家之開心速遞》
網民認同「很多事情當了父母才明白」
帖子曝光後，很快引起網民討論，大多數網民都認同有些事情的卻要做了父母後才了解。就好比「望子成龍，望女成鳳」，家長的正常心態肯定都希望子女過上更好生活，只是每一位父母都有自己的價值觀和做法，若是不懂得配合小朋友的資質和脾性調整教育方法，自然讓子女壓力，親子關係也不和睦。
網民指：「父母嘅心態，都係想自己仔女可以比佢哋嗰輩更好啫！當然過程中有冇搞到仔女唔開心就值得商權嘞」、「自己做唔到嘅，就搵下一代去完成自己嘅遺憾，將呢個遺憾變成下一代嘅責任」、「我只係知道以後嘅競爭會越嚟越大，我都想日日可以同啲仔笑哈哈咁過，但係佢大過之后只有辛苦嘅人生，係咪就會開心呢？」、「就係因為讀書唔叻，唔清楚讀書嘅實情，以為谷吓就可以考到第一，所以從小就谷啲小朋友，可惜，讀書是長途賽，見唔少小學讀書成績唔錯嘅細路，上到中學後，後勁不繼，成績下滑，甚至要留班，轉校。」
Photo from 《母親》
不過都有為人父母者留言，表示自己就是不逼迫、不催谷的一派，只希望孩子身心健康，讀書盡力就好，「我為人父！我覺得自己嘅小朋友最重要係善良、樂天、陽光、思想正面。至於讀書，盡力就好了」、「我比較喜歡俾小朋友自由發展，佢喜歡邊一科、對邊樣嘢有興趣，就俾佢學、上補習班，如果佢冇興趣，我哋冇逼佢」、「最緊要小朋友健康快樂」。
各位父母對此又有什麼看法呢？
Photo from MamiDaily
Text：Mami Editorial
Source：香港討論區
留言 0