美孚大型草地滾球場開幕 24000呎大人細路都啱玩

香港人「滯留」香港，放假有甚麼有趣新玩意？除了Staycation、行山、野餐等，原來近在美孚就有最新假日好去處。美孚新邨2021新開幕的Simply Bowls室內草地滾球場，玩過就知有趣味又富挑戰性，新手玩完形容有點像保齡球及桌球混合，大人小童都會一玩愛上，適合朋友、情侶、一家大小去玩，絕非坊間誤會的「老年遊戲」，場內另設飛鏢機、足球機、泰拳班，更有意式餐廳提供All day breakfast、香檳、法國生蠔、招牌鹹豬手等美食，絕對可以玩足一日。

3大主題區玩完歎豐富美食

位於美孚新邨第四期的 Simply Bowls草地滾球訓練基地，前身就是美孚著名的保齡球場，佔地達24,000呎，新場除了有符合國際標準的草地滾球場地，更有3大主題區域，包括運動區、娛樂休閒區及餐飲區，門口有隻4000粒LEGO砌成的大恐龍打卡位，非常搶鏡。最抵玩的全日通行證，$280就可以玩足一日，可玩草地滾球、法式滾球、足球機、飛鏢等！值得一提，場內意式餐廳Beans Bistro出乎意料地有驚喜，必食德國鹹豬手、法國生蠔、牛扒、All Day Breakfast、炸雞啤酒，甜品方面，自家制雪糕芝士餅配方味道獨特，也極為討好。

主題區1. 草地滾球場及法式滾球場

如果認為草地滾球是老人家的玩意，就大錯特錯！作為新手玩後評語是：「好玩又有挑戰性，就似保齡球及桌球混合，玩家要瞄準滾球角度，控制腕力臂力，更要思考得分策略，絕對鬥智鬥力！」新手上路可參加一小時草地滾球入門班，朋友聚會、情侶約會、親子活動都合適，小朋友更會有簡易遊戲版，甚至playgroup，務求令大人細路都會感到好玩易上手。

Simply Bowls兩位創辦人Vivian及Dorothy有多年草地滾球經驗，Vivian更有打香港隊，所以場地設施佈局除了打卡靚之外，更達專業級運動水準。Simply Bowls單是草地滾球場已有標準的6條rink，佔地超過一萬呎，她們希望令草地滾球這項運動更普及，所以特別混合各種玩樂元素，更把草地滾球與健身、健康、消閑等crossover，場地亦歡迎公司team building活動，務求令更多人接觸這項運動，享受草地滾球的樂趣。

Simply Bowls 兩位創辦人Dorothy（左）及Vivian（左二）草地滾球經驗豐富，打破常規的教法非常有趣，小朋友玩得樂在其中。

尤其親子班草地滾球課程，地上會有彩虹計分墊及恐龍座標，打破常規的教法非常有趣，小朋友玩得投入，輕輕鬆鬆就學識草地滾球基本技巧。另外場內亦設法式滾球Pétanque，規矩比較簡單隨意，球手只要在碎石球場上原地雙腳不離地，以拋物線拋擲滾球，最接近目標球就可以得分，最適合初學者與家人、情侶、朋友一較高下。