香港美食｜中環磅蟹主題Brunch 必食爆膏麵包蟹
呢間位於中環嘅西餐廳最週末推出全新Brunch，以磅蟹作主題，可以食到爆膏麵包蟹、粗過手指公雪蟹腳、香脆軟殼蟹迷你漢堡、創意蟹肉脆球、香炒時蟹長壽麵、香辣蟹肉炒蛋、焗芝士蟹鍋等。除了以上蟹宴外，還有冰鎮海鮮，包括生蠔、愛爾蘭麵包蟹、雪場蟹腳、爆膏凍蝦、翡翠螺等， 冰鎮海鮮新鮮而且食材高質，絕對是回本必食。另外，場內設有即叫即煮意粉站，可以揀選自己喜愛嘅意粉及醬汁。而另一必食推介是熱熔芝士配牛扒，每條薯條均勻地沾滿濃融嘅芝士，超邪惡。現時推出限時買三送一優惠，4人同行，人均$500有找，小編個人覺得正過去食酒店自助餐，有興趣朋友即睇仲有咩食！
▲麵包蟹：用上 愛爾蘭麵包蟹，與平日一般去酒店自助餐的麵包蟹有別，蟹膏口感多變，中間 蟹膏較Creamy，而 蟹蓋左右內面膏量驚人，而且甘香。
▲雪場蟹腳，而亦有懶人必食，剪好的雪蟹腳部位。
▲凍蝦：每隻都爆膏， 海鮮新鮮而且食材高質。
▲ 冰鎮海鮮選擇多，包括生蠔、愛爾蘭麵包蟹、雪場蟹腳、爆膏凍蝦、翡翠螺等
▲ 創意蟹肉脆球(右)：酥皮卷上邊放滿蟹肉加芝士，下層口感鬆脆，上層Creamy；香脆軟殼蟹迷你漢堡(左)： 軟殼蟹炸得很香脆可口
▲ 即叫即煮意粉站，可以揀選自己喜愛嘅意粉及醬汁。
▲ 熱熔芝士配牛扒，每條薯條均勻地沾滿濃融嘅芝士，超邪惡。
▲蘑菇湯：鮮味十足，香滑濃郁。
▲甜品選舉亦不少，包括Tiramisu、麵包布丁及多款蛋糕。
▲雪糕設有2款口味，包括朱古力及咖啡。
「滋味・蟹逅自助早午餐」無限任食多款美味蟹餚
地址：中環德己立街30-36號加州大廈7樓 Porterhouse Seafood & Steak
電話：2522 6366
- 「滋味・蟹逅自助早午餐」逢星期六、星期日及公眾假期推出，由上午11時30分至下午3時供應，成人每位HK$588及3至11歲小童每位HK$279
- 凡提前於網上訂座及預付訂金，即可享「買三送一」優惠（ 優惠受有關條款及細則約束）
- 每位加配HK$138可享2小時無限暢飲有機提子汁、有氣茶、雜果賓治、汽水、咖啡、茶
- 每位加配HK$228可享2小時無限量暢飲氣泡酒、白酒、粉紅酒、紅酒、朝日啤酒
- 每位加配HK$288可享2小時無限量暢飲氣泡酒、白酒、粉紅酒、紅酒、朝日啤酒、精選威士忌
- 每位加配HK$328可享2小時無限量暢飲Laurent Perrier 香檳、白酒、粉紅酒、紅酒、朝日啤酒、精選威士忌、烈酒
文字：香港人遊香港
留言 0