作為父母，最希望子女讀書年年考第一，順順利利大學畢業！不過，有人考第一，總有人考第尾，萬一自己的孩子成績差，應如何是好？一名家長在網上求助，讀中一兒子無心向學，今年需要留班，家長正在煩惱應該谷兒子繼續升學，還是鼓勵他學一門手藝呢？帖文引發不少網民留言，分享自己的經歷。
Photo from 《新四十二章》劇照
中一兒子無心向學
事主在「香港討論區」發帖：「仔女唔係讀書材料，係咪要夾硬谷佢上中六畢業先係好事呢？」他任職會計師，其中一名兒子在Band 1C中學讀中一，今年需要留班。回顧這一年，兒子成績很差，原因是他抱持放棄心態。事主說：「佢自己懶，賴英文課本睇唔明，而放棄唔讀。」事主曾經搜羅了科學、地理、西史等課本的中文版，方便兒子做對照，可惜沒有成效。另一方面，他又安排兒子補習英文和數學，每月花費六千元，「其實平時都由得佢，只係希望佢升班。從來無要求過佢要幾高分。平時都由得佢出去玩，做運動等等。」可惜事主種種幫助，仍未能避免兒子留班的命運。
Photo from 《少年派》劇照
擔心再留班被踢出校
他兒子現時的歲數處於反叛期，事主覺得兒子懶懶散散的態度，很難讀上去，「有同佢講唔可以只係做佢自己鍾意嘅事情，做人態度決定高度。理佢又心力交瘁，唔理佢又放『pair』。可能係反叛期，希望佢過咗反叛期好啲掛！」兒子更表示不想再讀書，但他只不過中一，按照現時的法例不能輟學打工，事主最擔心兒子未來會再留班，他說：「而家點都要升到班先啦。咁既態度真係好可能再留，再留就好大機會畀學校叫自己退學。成績表如果留兩年，真係全香港都唔會有學校收，到時仲衰。唔通讀到中一畀人踢出校係好事咩。」
Photo from 《教束》劇照
鼓勵發展其他專長
明知兒子不是讀書材料，事主覺得鼓勵他學一門手藝，好過夾緊讀上去，現時目標是完成中三課程。不過他擔心兒子未能捱到中三，又怕他學壞，「我都只係想佢正正常常，行正路，唔學壞，日後佢自己萬幾養到自己就得。」現時只好繼續讓兒子補習，目標是科科合格可以升班。此外，他有嘗試幫兒子搵讀書以外的專長，兒子說想踢波，「同佢去香港某球隊U15 試腳，但佢入唔到。」最後他感嘆為人父母，真是「長憂99」。
Photo from MamiDaily
網民意見兩極
網民亦贊成事主的看法，「其實勉強升上去仲衰，挫敗感仲重！」、「勉強無幸福，既然你都知佢唔係讀書材料，咁係咪都要迫佢夾硬讀呢? 吃力不討好之餘仲會憎死你」、「行行出狀元 e+就算全職打機，都搵好多錢」、「因材施教先最緊要，迫係無用」。
另一方面，有人建議盡量讓兒子升學，「女仔學業能力通常較早定型，男仔可以去到十七八歲都仲有進步，我當年就有中學同學，中四時都仲考緊全級尾十名，點知到中五突然發奮圖強，會考考個1A3B。有位高一屆嘅師兄仲誇張，會考四條B，到考A level竟然考四條A」、「會建議捱到中6先再搵其他有興趣進修或學習，dse如果唔理想都起碼叫完咗中6先，如果真係唔合格咪讀一年毅進補底，如果dse有5條1，可以讀vtc一年制文憑課程，讀完同毅進一樣當中6，5科合格，2者都可以駁上大專」。
Text：Mami Editorial
Source：香港討論區
留言 0