Bakehouse 嘅爆餡冬甩有新口味喇！趁復活節推出一系列帶有橘子清新滋味嘅新品，一向邪惡又受歡迎嘅冬甩就推出全新嘅柚子味（$38），大大個裹上砂糖又鬆軟嘅冬甩內，係爆滿嘅柚子酪漿，帶酸香清甜嘅柚子味平衡了甜味！
另一新品係檸檬罌粟子蛋糕（$18），檸檬與罌粟子係經典嘅蛋糕口味配搭，製成小蛋糕加上糖衣，香甜又有不同層次嘅質感。
復活節當然要有應節嘅十字包（$28），有糖漬嘅橘子皮及提子餡，淋上橘子味香料糖漿，為節日帶來甜蜜滋味。
除咗一系列新品，人氣 Tiramisu 丹麥酥亦已回歸！去年年尾下架後一直詢問度極高，最近終於歸隊，各位粉絲不用失望喇！
銅鑼灣、灣仔、中環蘇豪、赤柱、尖沙咀分店有售
留言 0