【聖誕節2018】屯門黃金海岸柏靈頓熊聖誕裝置 倫敦街頭/2米紅巴士/聖誕布甸跑

今個聖誕節，倫敦柏靈頓熊Paddington將會去到屯門黃金海岸同大家見面！到時黃金海岸會有以倫敦街頭主題設計的柏靈頓聖誕裝置，仲有2米高經典紅色英倫雙層巴士，大家可以盡情影相之外，亦可以係柏靈頓熊郵局蓋印寄信，鐘意柏靈頓熊的朋友記得唔好錯過啦！除了影相位之外，12月仲會有首次舉辦的倫敦傳統活動「聖誕布甸跑」同樂隊表演，相信會好有氣氛～

黃金海岸將會舉辦「香港黃金海岸柏靈頓「熊」抱聖誕」活動，場內有多個英國人氣柏靈頓熊Paddington聖誕裝置俾大家影相。

包括柏靈頓鞦韆椅、2米高雙層巴士，充滿英倫街頭風格！

柏靈頓熊郵局旁邊仲有一個期間限定的紅色郵筒，大家可以即場蓋上柏靈頓印章寄信。

而於指定日子仲有倫敦傳統活動「聖誕布甸跑」，參加者要捧住自製的小布甸道具通過重重障礙去終點，成功仲會有小禮物！

「聖誕布甸跑」活動日期將於2018年12月1、2、8、9、15、16、25、26日（下午2時至6時）舉行，有興趣的話記得mark實日子啦～

活動資訊

• 開放日期: 2018年11月19日 - 2019年1月1日
• 地點: 屯門青山公路1號黃金海岸商場
• 開放時間: 中午12時至下午10時