呢間新開嘅雞翼專門店，專做雞翼外賣！主打係佢地獨有嘅玫瑰味，今次仲一口氣帶黎另外6款口味！自始黃埔又多左一個掃街必去嘅小店喇！
佢地粉紅色嘅店舖外觀真係好吸睛啊～仲有一幅打卡牆「不要儀態，只想食雞翼」！等小編實試必款最好味先！
所有雞翼都劃一定價！*4件$38／6件$48／16件套餐－包兩杯飲品 $128 *
如果多人嘅話，真係強烈建議叫$128套餐，本身另外兩款都只可以叫單味，而$128包兩杯飲品，仲可以混合口味，同可以又揀雞翼又揀雞鎚，自由度大好多～
BTW 全部都係即叫即炸，所以製作需時，大家要耐心等候啊！雞翼本身隻隻都好肥美大隻，炸到皮脆肉嫩真係推介！
文青風玫瑰雞翼
係佢地招牌亦係小編認為必食嘅一款，用上玫瑰花糖完全包住每一隻雞翼，食落甜而不膩，仲有陣陣花香～
我係鹹檸七雞翼
另一款自家創作雞翼，用黎自泰國一級鹹檸檬再配合七喜，將港式風味注入雞翼度！好特別啊！
檸香山葵蟹籽雞翼
呢個又係驚喜啊，個wasabi醬好濃但只係帶少少刺鼻嘅感覺，食落少少刺激咁真係超級滋味！
港式避風塘蒜香雞翼
呢款好惹味啊，而且比起平時嘅香味仲加左一重麻辣，食落真係好香口，會忍唔住一翼接一翼！
熱情果寶寶雞翼
以水果做雞翼嘅味道，係期間限定嘅一款啊～因為過左當造季節就未必會再供應！鍾意佢酸酸甜甜，果味好香濃！食落唔膩～
濃味三重芝士流雞翼
芝士控唔可以錯過，用上一共三種芝士整成流心芝士醬，淋上熱辣辣嘅雞翼上面真係芝味濃郁，不過呢款建議一定要同人share，如果唔係食得多會感覺有啲膩啊
和風濃口味噌雞翼
聞到已經覺得好有日式風味，食到入面濃濃味噌，再加上木魚～好好味啊！
佢地仲有三款透心涼嘅飲品，配埋雞翼一齊食就最好不過！
包括招牌莫希托式薄荷特飲、天空藍鮮檸檬特飲、同片片綠青瓜特飲
三款都係帶清涼口感，岩哂餸雞翼一齊食！
暫時每日只係限定售賣300份，賣完就無～所以想食就要快喇！
同埋全店90%以上採用完全可被自然分解嘅無塑餐盒同凍飲杯，即使係外賣點都超級環保！支持支持～
Chicken Wings Mountain 雞翼山
地址：黃埔站德民街29號德民大廈地下F3號舖（近民泰街）
營業時間： 星期二至星期日 1200～2200（雞翼每日限量300份，售完即止）
Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
*本文章的圖片均經其本人或其公司授權，其他媒體不得轉載
留言 0