就嚟又十月哈囉喂，未諗好去邊玩好？不如嚟呢度同Sanrio一齊開「HELLO-ween」Party啦！
今之次可以話係兩大巨頭破天荒合作，為大家帶嚟歷年最盛大嘅「HELLO-ween」派對！
Sanrio一眾人物（Hello Kitty、Kuromi、梳乎蛋、玉貴狗同XO）會換上萬聖節新裝同大家見面，同大家一齊打卡！
唔止咁呀！佢地仲推出左萌萌嘅「Sanrio characters哈囉喂全日祭套餐」！
套餐包含4道菜色，喺美食入面會搵到Hello Kitty、Kuromi、梳乎蛋同XO嘅蹤影嫁！
套餐由2018年 9月 19日至 11月 4日喺冰極餐廳供應，每位$388（另設加一），Sanrio嘅fans一定唔好錯過呀！
如果鍾意小食或者甜品，佢地都可以滿足你！
一樣由2018年 9月 19日至 11月 4日大家可以喺小丑派對搵到Hello Kitty哈囉喂炸雞漢堡配粟米片（每份$70）；或者去水都餅店食梳乎蛋甜品，係配有鮮果同埋杏桃嘅忌廉熱香餅（每件$68）嚟嫁！
樣樣都又好味、又靚，睇到都開心！
今次最特別可以話係呢個爆谷筒！
買左呢個Hello Kitty頭爆谷套裝（每個$178），食完個細爆谷之後，個桶仲可以留番Trick-or-Treat，別具收藏價值！
仲係限量發售嫁咋！
難得見到萬聖節裝束嘅Sanrio朋友，點可以唔帶佢地番屋企？
有多款「HELLO-ween」T恤（零售價：$290），「HELLO-ween」A4文件夾（零售價：$30），仲有好多公仔同得意精品等你帶走！
喺威威天地嘅攤位遊戲，如果玩遊戲中獎，就可以免費贏走「HELLO-ween」Hello Kitty毛公仔添！
鍾意刺激嘅你，就要嚟海洋冰室試試新推出嘅「急診哈囉『胃』套餐」（每位$298）！
有素食版本同肉食版本，造型夠哂驚嚇，而且份量十足！
仲要配埋特別嘅「餐具」，好似針筒、手術鉗等等，真係別有一番「瘋」味！
當然要配埋哈囉喂特調飲品～仲有好多好可愛嘅哈囉喂精品等梗你嫁！
想知道更多哈囉喂詳情，記得留意住Holiday喇！
《哈囉喂全日祭-「HELLO-ween」派對》
地址：香港海洋公園
Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
留言 0