請更新您的瀏覽器

您使用的瀏覽器版本較舊，已不再受支援。建議您更新瀏覽器版本，以獲得最佳使用體驗。

生活

【搵食CONY】一站式韓國食品專門店　買勻醬菜、凍肉兼便當

LINE TODAY

發布於 2020年09月10日11:31 • 搵食CONY

一場疫症改變咗好多人嘅生活及飲食習慣，而在韓國街屹立逾20年嘅「新世界韓國食品公司」，上星期就喺旺角開設咗一間一站式嘅韓國食品專門店，集齊旗下3個品牌，提供韓式小菜、凍肉及便當。無論你係抗疫廚神定手殘人士，想儲糧、自煮定買外賣都一應俱全，新店仲有一系列開幕優惠。CONY去咗趁墟之時仲順手捉埋品牌嘅韓籍經理Paul傾兩句，為大家精選各種特色產品！

據知新店佔地超過2,700呎，集合3大品牌，分別是專售韓國伴菜的「BANCHAN」、提供便當、熟食的「O'taste」，以及主打韓式凍肉的「Chef & Taste」。由於品牌希望為顧客提供最新鮮的產品，因此店內有不少空間被劃分為工場及廚房之用，不但便當即叫即煮，連醃肉、醬菜、伴菜等都在店內的工場每天新鮮製作。

「旺角店的概念是 『一站式』，不但將公司所有品牌都聚集一起，仲加上中央廚房概念，希望能為顧客提供最新鮮嘅產品。」不過呢個設計真係「有辣有唔辣」，雖然保證到產品質素，但購物空間會相對減少，顧客好多時都要來去匆匆。「我哋都收到唔少意見話店面空間不足，其實係估唔到大家嘅反應咁好，希望遲啲有機會再開更大間分店！」

新世界韓國食品公司規劃發展部經理Paul
新世界韓國食品公司規劃發展部經理Paul

韓國直送與自家醃製泡菜

韓國人唔會餐餐「開火」，而「BANCHAN」則提供逾50款韓國伴菜，當中大部分產品係韓國直送，如明太子魚春、原味泡菜、生醃八爪魚、生醃魷魚、生醃蠔等海鮮類伴菜。另外亦有部分係自家廚房每日新鮮醃製，如招牌辣泡菜，「辣泡菜和原味泡菜唔同，辣泡菜不經發酵，口感會更新鮮，更爽口，亦可食到泡菜汁的原始味道，而原味泡菜則因為經過發酵而味道較酸。」

新店帶來醃辣醬蟹及薯仔沙律等全新產品。
新店帶來醃辣醬蟹及薯仔沙律等全新產品。
於9月31日前購買指定產品，即可享免費份量升級優惠，而即日至9月19日前嘅指定產品為辣泡菜、酸白蘿蔔、豆芽及薯仔沙律。
於9月31日前購買指定產品，即可享免費份量升級優惠，而即日至9月19日前嘅指定產品為辣泡菜、酸白蘿蔔、豆芽及薯仔沙律。

特色韓風醃肉

除咗打邊爐，近日亦有唔少人都嘗試在家燒肉，而「Chef & Taste」就集齊多款「韓式凍肉」。即係點？原來韓國人處理凍肉嘅刀工及醃製都有獨特方法，「韓國人處理牛排骨時會沿住骨頭的方向來切成一條長薄片；又會將已經切割好嘅五花肉上再𠝹出好似蜂巢般嘅花紋等。至於韓式烤肉嘅醃製特色除咗會用韓式辣醬等調味料，另一個重點係『多汁』，因此烤煮嘅時候，醬汁會繼續滲透到肉入面。」

客人可以去櫃枱購買所需份量的凍肉。
客人可以去櫃枱購買所需份量的凍肉。
店內亦設有凍櫃放置包裝好的凍肉供自行挑選。
店內亦設有凍櫃放置包裝好的凍肉供自行挑選。
蜂巢式五花肉用刀𠝹出條紋，有助醃料入味，仲可以增加食用時口感。（品牌提供）
蜂巢式五花肉用刀𠝹出條紋，有助醃料入味，仲可以增加食用時口感。（品牌提供）
蜂巢五花肉$99（前）、香辣五花肉$119（後）：前者不經醃製，後者則用韓式辣醬醃製。
蜂巢五花肉$99（前）、香辣五花肉$119（後）：前者不經醃製，後者則用韓式辣醬醃製。
韓式牛排骨的切法會按照骨頭切成長條薄片。（品牌提供）
韓式牛排骨的切法會按照骨頭切成長條薄片。（品牌提供）
水原式醬醃牛排骨$270：韓式牛排骨主要有兩種醃法，一是「水源式」，二是「抱川式」，前者主要以鹽為醃料，後者則以醬油及果汁為主，所以水源排骨會偏鹹味，而抱川排骨則較甜。
水原式醬醃牛排骨$270：韓式牛排骨主要有兩種醃法，一是「水原式」，二是「抱川式」，前者主要以鹽為醃料，後者則以醬油及果汁為主，所以水源排骨會偏鹹味，而抱川排骨則較甜。
LA牛肋骨$150/包、$260/兩包：LA牛肋骨的名字來源於美國洛杉機嘅Korean Town，由於美國處理牛排骨會整條連骨頭一起切片，韓國人就將呢種切法嘅排骨叫「LA牛肋骨」啦。
LA牛肋骨$150/包、$260/兩包：LA牛肋骨的名字來源於美國洛杉機嘅Korean Town，由於美國處理牛排骨會整條連骨頭一起切片，韓國人就將呢種切法嘅排骨叫「LA牛肋骨」啦。
牛排骨$150、醬醃牛排骨$130（9月16日前買2送1）
牛排骨$150、醬醃牛排骨$130（9月16日前買2送1）
特價漢堡扒$40/包（9月16日前購買$20/包）
特價漢堡扒$40/包（9月16日前購買$20/包）
呢度仲有其他罕見牛肉部位，例如隔膜肉（$180）和板腱肉（$210）。
呢度仲有其他罕見牛肉部位，例如隔膜肉（$180）和板腱肉（$210）。

超齊全韓式美食

除咗韓式食材，自問你好似CONY咁手殘嘅朋友，仲可以去「O'taste」買多款韓式料理返屋企慢慢嘆。雖然店面細小，但就提供超過100款美食，當中包括便當、拌飯、飯捲、煎餅、炒年糕等，有唔少都係即叫即做，而且品牌仲會每季研發及增添新菜單，保持客人嘅新鮮感。

烤牛肉一品便當$90
烤牛肉一品便當$90
連韓式煎餅都有4款口味。
連韓式煎餅都有4款口味。
韓式小食又點少得辣炒年糕？
韓式小食又點少得辣炒年糕？
廚房馬不停蹄製作新鮮炸雞，先將雞腿肉起骨切件再上炸粉，最後搓成球狀拎去炸，每粒圓碌碌好吸引，食落仲好juicy！
廚房馬不停蹄製作新鮮炸雞，先將雞腿肉起骨切件再上炸粉，最後搓成球狀拎去炸，每粒圓碌碌好吸引，食落仲好juicy！
即日至9月31日，店內每日都會推出1款特別優惠菜式，$25就買得到如韓式拌飯、牛肋骨湯等美食。
即日至9月31日，店內每日都會推出1款特別優惠菜式，$25就買得到如韓式拌飯、牛肋骨湯等美食。
優惠期內付$99就可以任裝零食落禮物盒度，唔限疊到幾高，只要唔跌拎得走就得，有興趣嘅朋友可以挑戰下。
優惠期內付$99就可以任裝零食落禮物盒度，唔限疊到幾高，只要唔跌拎得走就得，有興趣嘅朋友可以挑戰下。
店內仲有多款韓國飲品提供。
店內仲有多款韓國飲品提供。

新世界韓國食品公司「一站式韓國食品專門店」
地址：旺角洗衣街85號
營業時間：周一至六早上11時至晚上9時半（逢周日休息）
電話： 2133 5651 / 2133 5652

0 0
reaction icon 0
reaction icon 0
reaction icon 0
reaction icon 0
reaction icon 0
reaction icon 0

留言 2

  • Yan
    買咗生醃魷魚 🦑 好好味呀！😋
    2020年09月10日13:05
  • 插住對筷子我以為拜緊神～
    2020年09月11日12:54
顯示全部