港男買兩餸飯獲得「加餸」曱甴 與店主理論點知俾對方打返轉頭

疫情下的香港人失去了6點之後的堂食，而兩餸飯則突然冒起，成為疫情新常態。近日就有一名港男前往一間兩餸飯餐廳購買外賣，點知獲對方「加餸」曱甴，回到店鋪理論時竟遭對方大打出手，令人大感無奈。

港男買兩餸飯獲得「加餸」曱甴 與店主理論點知俾對方打返轉頭

網民指自己在一間佐敦的兩餸飯店購入飯盒之後，打開發現當有小強，所以決定回到店鋪並要求對方退錢。事主稱要求期間有兩個男人衝出來搶走事主手中的飯盒，又指：「仲call多咗兩個男人一齊出嚟兇我。」

之後事主就稱自己將會報警，不料對方竟然出手對事主箍頸，更將對方推落地下打，而事後事主在掙扎過後就走去報警。他稱：其實係正鋪頭門口有大大個cctv, 歡迎店舖post 出黎對質。」，又指「明白食肆未必做得100%乾淨，但搵人兇人推人打人會唔會太過分？」。

而事後網民都怒轟該兩餸飯餐廳購的做法，直言「唔會幫襯」，又指懷疑該店鋪是由有背景人士開設，所以先會咁惡。另外都有網民指該店舖咁嘅處事方式擺到明就係「倒自己米」，「拆自己招牌」，令到市民都記住該店舖。

另外有網民就建議事主報《東張西望》節目組，讓節目組能夠好好去了解事情真相。都有網民建議事主除咗報警之外都可以報食環處。而有連登網民就直指：「間野啲外觀咁深圳都敢去買。」，又指另一間位於第二個地區的同集團兩餸飯餐廳食完令人痾，直指該店舖有前科。