香港美食博覽台灣館治愈想念台灣食品心

香港美食博覽今日正式開鑼！咁耐無得飛，梗係去最想念嘅台灣館啦！哇！今年游游農產嘅文蛋臨近中秋當造，現場四色福袋有珍珠芭樂、紅肉火龍果、百香果、豐水梨，只賣$88，手快有，手慢無。超大個酪梨（牛油果）都係$65兩個，朋友話啲肉好滑，核細，好好食，即刻買咗兩個，今晚番去試下先！乾水果亦係夜宵健康之選。另外首次參展嘅鼎泰豐，成個攤位乜都有，新出鳳梨酥，小籠包、紅燒牛肉麵，唔怪得啲阿太要拎架車仔黎買啦！今年仲有六月初一8字型蛋卷，鬆化蛋美香，係必買嘅脆口野食，我就買咗原味同芝麻味，睇怕好快會被KO呀！想煮野有啲台灣味，可以買啲味全醬汁，有唔使調較嘅水餃醬汁、蒜蓉醬，一支醬料HKD20起，或者係零負擔嘅健康廚房焙煎芝麻醬，食腸粉一流！要食肉燥，有度小月罐頭，撈麵伴飯均可。至於夜市必吃嘅蔥肉餡餅有台揚，佢地有富統香腸、刈包等食品，香港食店好多都係問佢地取貨㗎！圓圓發覺現場有盒屏東三地門徳文咖啡游游濾掛咖啡只係$15，一盒有四包，這品牌在日治時期，係進貢日本天皇嘅珍品，而且拎過世界競賽銀牌獎添！