女士們髮型千變萬化，經常都會吹、拉、染同燙，好容易就會有頭髮毛躁呢個問題，所以想擁有一把秀髮，護髮對每位女士都非常重要，而家等小編同大家分享5大頭髮護理小貼士，想回復亮麗秀滑嘅髮質話咁易啦！
圖片來源：網絡圖片、百佳、Watsons、AVENDA｜撰文：Sharon
1. 用溫水洗頭髮
用熱水洗頭好容易破壞髮根，令頭髮較容易斷裂，髮根變得脆弱，頭髮就會開始卷曲並變得毛躁，所以唔建議用熱水洗頭。相反，溫水洗頭嘅方法刺激力唔強，唔會洗去太多皮脂，可以防止頭皮乾燥及頭皮屑嘅效果。咁洗頭又應唔應該日日都洗？相信呢個問題大家一定都疑惑過，如果你係油性髮質建議每日洗頭，可以避免皮脂分泌過多阻塞毛孔，否則隔日洗一次就可以了。
2. 減少綁馬尾
唔少女士都鍾意綁馬尾，因為有多變嘅造型可以展示出嚟，最常見一定係綁高馬尾同丸子頭，但原來成日紮頭髮頭髮嘅傷害都不容忽視，每日拉扯頭髮會增加對頭髮嘅傷害都頗大。此外，喺濕髮嘅時候都唔應該紮頭髮，令會頭髮好容易出現分叉或折斷嘅情況，所以建議大家減少紮頭髮嘅次數，或者可以紮低少少同紮鬆啲～
3. 深層焗油
除咗用合適嘅洗頭水同護髮素，頭髮都需要定期嘅護理，焗油有效修護受損毛鱗片表面，護髮嘅同時可以撫平毛躁髮絲，令頭髮髮質變得更柔軟同貼服。
4. 正確使用護髮素
洗頭水之外，護髮素同樣重要，但未必個個都識得正確使用護髮素！護髮素唔需要好似洗頭水一樣搽勻全個頭，同時要盡量避免接觸到頭皮，由耳仔下位置塗抹到紮到馬尾嘅位置就可以！記住千祈唔好直接將護髮素倒入頭上，如果接觸到頭皮或者髮根上，會好易令過多油脂積聚，有機會堵塞毛囊，甚至引起發炎！
5. 頭皮按摩
除咗以上方法之外，大家仲可以試下頭皮按摩，可以去頭皮污垢同皮脂，用指腹、指甲平面等按壓頭皮各個地方，先從髮際線慢慢到頭頂再到後腦勺，呢個方法唔單止可以防止脫髮問題，仲可以促進頭皮血液循環。
市面上有多款唔同嘅洗頭水同護髮素，要揀一款啱嘅自己嘅產品非常重要，先可以以美髮示人，小編同大家精選幾款大熱嘅洗頭水、護髮素同髮膜，睇下有冇一款啱大家心水啦！
一．洗頭水推介
1. 雅濃有機 茶樹去頭皮有機洗髮露
售價：$128.9
2. 呂 韓方修護洗髮液（受損髮質適用）
售價：$65.9
3. Herbal Essences摩洛哥堅果油抗氧化洗髮露
售價：$72.9
二．護髮素推介
1. Avenda invati advanced™ 強韌髮質護髮素
售價：$360
2. MOIST DIANE 香水貴油深層修護洗髮露
售價：$79
三．髮膜推介
1. Avenda botanical repair™ 三重修復草本滋潤髮膜
售價：$570
2. SHISEIDO 資生堂FINO高效滲透護髮膜
售價：$55
留言 0