首次見面揀錯餐廳即嚇走曖昧對象 男網民大呻：乜真係好失禮咩？

「兩餸飯」價廉物美，是不少人的「醫肚」恩物，不過有港男日前相約於交友程式認識的曖昧對象見面，竟提出到兩餸飯餐廳吃午飯，令原本言談甚歡的女生急急腳「借尿遁」走人，還就此失去聯絡，封鎖港男。港男大嘆不解，反問「乜真係好失禮咩？」，又批評對方不辭而別是沒禮貌之舉。

撰文：Wendy | 圖片來源：Dcard討論區截圖、Facebook群組「香港兩餸飯關注組」、TVB劇集《香港愛情故事》劇照

這名港男日前在Dcard討論區以「乜真係好失禮咩？點解可以就咁走咗去」為題發文，指12月初透過交友程式認識了一位女網友，雙方言談甚歡，對話亦愈來愈曖昧，日前趁聖誕佳節終於邀約對方外出。當日二人約在中午時分會面，因大家都未吃早餐，故打算先吃午飯。

女方「借尿遁」離場

事主與女網友有講有笑，對方亦對用餐地點表示「冇乜所謂」，事主遂帶她到附近一間雙餸飯餐廳「食個quick lunch醫下肚」。可是到達餐廳後事情發展急轉直下，他憶及，女方甫進入餐廳後便表示要上廁所，著他先點餐，未料他買好食物後，等了大半小時仍未見女方身影，始知對方原來早已「借尿遁」走人，「我以為佢係咪喺入面出咗事，Signal佢又唔應機，打比佢又唔通，因為間嘢係冇廁所嘅，要行去附近商場先至有廁所，時間耐少少都合理，點知原來佢已經一早走咗人。」

他最後一個人帶同兩盒飯盒回家，慨嘆當日二人打算一整天外出，還一早在酒店訂位吃自助晚餐，沒想到約會突然告吹，「而家唔洗啦，晚上我食埋佢剩低果盒飯算喇」。他又批評女方不辭而別非常無禮，反問：「請問雙餸飯真係好失禮咩？價廉物美，又多選擇，都係食個lunch姐，唔啱食咪出聲囉，轉場去食omakase都得架，點解要就咁走咗去咁無禮貌喎！」

帖文引起網民熱議，不少人直指事主有首次見面的曖昧對象吃兩餸飯是自殺式行為，嘲笑他是「憑實力單身」，謂若然他當時先帶對方到酒店吃自助餐，結果應該會大有不同。

亦有人附和事主，指女方就此失聯，又封鎖事主是不尊重的行為，批評她有可能是「外貌協會會員」，也有人形容事主一早認清女方真面目，也是一件好事。