早前大S喺大陸綜藝節目《幸福三重奏》中嘅「剝蝦論」引起唔少網友討論，到底做啲咩先會令另一半覺得貼心呢？小編曾經喺網上睇過一段話解釋好情人嘅意義：「好情人的意義是，只照顧你一個人，對別人冷若冰霜，這才是好情人。」
有時一啲生活上唔起眼嘅生活習慣，簡單微小嘅舉動，都可以令另一半感到好窩心。今次小編就整理出10個「好情人行為」，一齊嚟睇吓點樣打動另一半嘅心呀！
1. 牽手
手拖手或者並肩走，而唔係自顧自向前走，珍惜一起嘅時間。
2. 另一半生病時照顧
當一個人生病時，最想嘅就係有人喺身邊陪伴，有人關心自己。如果依個時候對對方加以照顧一定個大大加分
3. 愛屋及烏
當一個人愛你嘅同時，佢亦會愛你嘅家人朋友。
4. 準備生活必需品（例如：紙巾）
好多人出街都會唔記得帶一些生活必需品，例如食飯時發現冇紙巾用之類嘅，如果依個時候你拎一包紙巾出嚟，對方一定會覺得你好貼心。
5. 主動報備行程
有時對方希望你主動報備行程並唔係check住你去邊，而係只係出於關心，擔心你啲安全。
6.有主見
有啲時候就係會想放空，咩都唔諗，想有人可以決定好晒所有嘢。依個時候做一個有主見嘅另一半就好重要喇！
7. 陪伴
每個人嘅生活中都有可能遇到唔同嘅事，有開心、有唔開心，如果對方遇到唔開心嘅事，佢最想要可能唔係言語上嘅安慰，而係你靜靜嘅陪伴。
8. 親自下廚（利申：講緊嘅唔係暗黑料理）
唔少人都會覺得下廚麻煩，因為下廚為除咗要花時間準備，食完之後仲要洗碗，有時仲會被對手批評唔好食。
不過就算對方嘴上說得再難食，其實佢嘅心都會覺得開心，因為依個係佢嘅一番心意。
9. 保護對方
遇到唔開心事情時，每個人都會想被人保護，而唔係自己一個人死撐。
10. 記得自己講過嘅同承諾
唔少人對自己講過嘅說話或者承諾，可能只係為咗當下氹對方開心，好快就唔記得。不過咁樣其實唔係咁好，因為如果長時間係，會好容易令對方失去信任。
唔知大家又認唔認同呢？！當然以上嘅行為唔代表男方一定咁做先係好男友，而女方就咩都唔駛做，因為感情事係雙向嘅，唔可以只一面倒要求對方付出。大家不妨參考吓！
Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
留言 0