農曆年雖過，但親朋好友還是要相聚的，一向高朋滿座的沙田凱悅酒店中菜廰沙田18，是良朋嚐好菜的好地方，始終有主廚何振雄師傅坐鎮，食材醬料玩得出神入化，任何原材料到大廚手上，都會化為令人一試難忘的菜式。過了農曆年，想念美味，於是相約幾位好友到沙田18嚐何師傅手勢。
涼菜先行，喜愛小辣的我，來一道川香麻辣扎蹄（$218），入口有川椒的辛辣，帶點麻麻的辣勁，爽口的扎蹄，先醒醒胃。如果師傅肯開班授徒，我第一個想學懂這前菜呢！
再來一道麻醬拌菠菜（$138），師傅把混有Wasabi的麻醬蓋滿鮮嫩的菠菜，我跟好友一人一口吃個不亦樂乎！
過年氣氛還在，仍想吃一道過年菜式，供應期只到月底2023年2月28日的蜜餞金蠔脆多士（$388），飽滿的金蠔內裡軟綿又juicy，加上蜜餞蓋面，甜甜的良久，墊底的多士配合得原美，脆口跟口感豐富的金蠔互相輝映。
重頭戲來了！就是鹹蛋黃魚皮蝦球（$388），大大舊蝦球裹上鹹蛋黃醬，炸得扑扑脆，像去了新加坡吃炸魚皮，啖啖肉的蝦球即時填滿了我的胃。
係時候試何振雄師傅的創新配搭，用味噌與香茅，襯托滿滿骨膠原的牛尾，香茅扣牛尾煲（$430），煮得軟糯的牛尾啖啖都是肉，吃來不膩不肥，比起一般用紅酒烹調又是另一種食法。
清一下味蕾，來道健康菜，椒蒜秋葵炒黑雞樅菌（$235），火喉猛炒綠色菜，清新好味，農曆年食得多，消消滯也好。
來到此處，當然要order甜食，暖胃的紫米咋喳燉蛋白、柚子桂花紅豆糕、陳皮蓮子紅豆沙（全售$70），連招牌甜品
五糧液朱古力自製雪糕（每球$48）、石榴椰子自製雪葩（每球$45），把這一餐來個原美句號。
沙田18
地址: 沙田澤祥街18號沙田凱悅酒店4樓
電話: 3723 7932
留言 0