那些被港女語錄之類的心靈毒湯洗腦的女人，特別喜歡用歪理去規範男人，非得把身邊追求自己的男人以至男友老公都調教成為聽教聽話的奴才，才覺得幸福，才覺得被愛。
其實一句到尾就是用邪教手段操控拑制，譬如說除了我以外不可有別的神，你不可以懷疑神諭，你懷疑你就是信得不夠，就是不夠愛我。
女人都望男友聽教聽話
別人的規勸都是離間妒忌我們的毒藥，別人愈是打壓，我們就愈要緊密契合，所以你快快把身心靈奉獻給我，別再思考，總之我叫你做甚麼，你就做甚麼，我叫你不要跟朋友見面，你就不要出去再找朋友食飯睇戲飲嘢打波⋯⋯
朋友間每次聚會總有一兩個朋友，來了但心不在焉，未能盡興，奪命追魂call響了又響，講唔夠幾句又要出去傾電話，遲到早退，永遠無辦法齊人。
更甚者阿嫂更突擊檢查，突然來訪，原本爆粗亂嗌的兄弟們突然被迫正襟危坐大講世界和平中美貿易戰等大圍話題，食完餐飯背脊骨落，下次都唔知仲嗌唔嗌你出嚟好，簡直就係逼你一拍拖斷六親⋯⋯
不只是女人的錯
起初我以為這些禍國妖姬貂嬋妲己，只要狠下心腸一腳伸開便能國泰民安天下太平，但後來一條女係咁條條女都係咁，次次叫佢揭竿起義振吓夫綱，最後都係割地賠款委曲求和，方發覺原來除了這些港女本身思想格局有問題，那些男人都有責任⋯⋯
一個人之所以能夠安安分分成為奴才，除了為勢所迫，更有部分原因是這個人本身其實奴性頗重，覺得對方並沒有惡意，她也是為我好，她雖然把口衰啲 / 惡啲 / 專制啲，但其實佢好善良 / 平時對我好好 / 好孝順屋企人⋯⋯
Bullshit，這是典型斯德哥爾摩症候，佢一日切我一隻手指其實好仁慈㗎啦，有啲人一日切兩隻㗎⋯⋯
沒有窩囊的男人，身邊的港女才不會得寸進尺。所有港女公主八婆老佛爺都是身邊的窩囊廢男人捧出來的。
**Follow us on:
- Facebook: CosmoHK
- Instagram: @cosmopolitan_hk
- YouTube: CosmopolitanHK**
留言 0