親子。育兒 教育放題
【專訪】SEN 學童到底怎樣處理
今時今日SEN學童在港高達64000個，在教育上及配套上可以點做？ 家長面對SEN學童更為嚴重，到底社會嘅支援夠唔夠，一齊聽聽冼權峰教授嘅分享！
主持：Angela Yue （A）
嘉賓：特殊教育與輔導學系-冼權峰教授 （洗）
A：Angela 今日搵嚟嘅就有冼權峰教授，冼教授你好
洗：你好！
A：其實我想問下本港嘅SEN小朋友呢，好似感覺上越嚟越多咁喎！
洗：因為而家呢因為普遍我哋對於有特殊教育需要，即係SEN啦，認知係多咗嘅。
A：係
洗：咁而事實上嗰個評估呢，亦都快咗啦，咁所以比較十幾年前呢我哋個數目係由以往可能真係萬幾個，到今天呢喺普通學校裡面教育局提供嘅數字呢，都已經達到六萬四千個，咁即係話呢六萬四千個呢係包含咗不同嘅類型嘅，包括係視像啦、聽障啦。
咁但係以往呢我哋比較集中啦，就係視覺感官，同埋身體殘疾嘅小朋友，咁但係到今天呢我哋了解譬如一啲學生呢要係差嘅成績係差，或者係行為上面我哋管理唔到嘅，咁呢啲可能係差生啦，或者曳仔啦，咁但係到今日呢我哋當認知多咗喇，咁透過評估啦，咁了解到原來佢有特殊學習障礙嘅，或者就係佢本身可能係有多動症，或者係專注力不足。咁透過呢啲評估機制，我哋搵佢出嚟，數字梗係多咗啦，咁但搵咗出嚟就唔係話唔幫佢喎。
我哋就透過而家嘅現有學校嘅支援機制呢，咁老師呢就唔再當佢係好似以往差生或者曳仔喇，而係就話佢係有特殊教育需要嘅，咁我哋就施以適當嘅方法啦去幫佢，咁所以數目呢就係不斷上升㗎啦。
A：咁我想問下佢哋喺學習上面，最大嘅困難係啲乜嘢呢
洗：概括嚟講啦，每一個有特殊教育需要嘅同學，都有佢自己獨特嘅需要嘅，譬如視障學生咁可能係即係一個睇唔到嘛，或者睇得矇，咁所以變咗喺教學上面呢啲老師可能係從其他方面呢去支援佢，包括佢如果佢睇到剩餘嘅視力呢，咁就放大啲字體，咁聾生更加就係有其他方法協助佢哋口語上面嘅溝通嘅訓練啦，咁而其他譬如話學障嗰啲啦，咁學校透過即係課業上嘅調適，係協助佢從而有個信心咁學業成績就高返啲啦，咁好多時呢經過一段時間呢，佢會即係更加對於佢自己學科產生興趣，從而呢就你睇到喇，個成績變得突飛猛進，所以一般嚟講呢就每一個有特殊教育需要學生嗰個需要係真係略有不同嘅，咁但係呢學校嚟講一般都老師都受過訓練之後呢，都了解到佢可能喺唔同嘅方面啦，譬如自信心或者係其他啲學習方面，咁可以提供唔同嘅支援。
A：咁教授你覺得呢，喺香港對於SEN嘅小朋友呢嘅支援足唔足夠
洗：足唔足夠呢就好難話一句說話，唔足夠或者係足夠，咁要睇每間學校裏面係點樣去適當地調動嗰個資源，所以適當調動資源呢
嘅意思，係有資源嘅
A：係
洗：呢個資源呢係來自政府，因為你既然係畀咗個標籤呢個小朋友，係有特殊教育需要嘅咁喺而家現有嘅政策呢，係會帶住一啲錢呢
喺入學校咁即係學校呢可能每年呢都收到一筆即係學習支援嘅津貼，咁透過呢啲錢呢學校可以多聘用老師，或者多聘用教學助理
，咁有啲情況只係購買出面嘅服務囉，問題就話去購買服務用幾多錢，或者係咪每個學生都需要相同嘅服務，或者有啲譬如自閉症學生啦，佢需要多啲語言溝通嘅咁因為啲錢係一個一個 pool 咁㗎嘛，即係佢唔係話逐舊錢去比每一個學生，而係就話透過學校整體
嗰個調動呢，咁所以有陣時我會聽到有啲意見就話而家唔足夠，因為如果學校多自閉症同學，咁可能你人手方面呢，係需要多啲嘅
譬如多教育助理要多老師，如果學校裡面呢可能係集中，照顧譬如視障學生或者聽障學生，咁可能佢需要呢就唔係人手喇，係一啲
器材嘅支援喇。咁所以變咗總括嚟講而家學校呢，係有一啲補貼，咁而老師呢就要好適當地呢係運用呢啲錢呢係點樣支援，去到每一個學生裡面，又唔想就話啲錢定係單獨去到某一個群體學生，而忽略咗某一啲學生
A：其實呢需要幫助嘅除咗係SEN小朋友之外，更重要嘅呢就可能係SEN小朋友嘅父母，咁我哋喺香港方面呢有冇多啲幫助比佢哋呢
洗：喺呢度嚟講呢就，我就而家暫時呢未必睇到一個好統一，或者好強嘅政策係支援係SEN 嘅家長，係呀因為有陣時都好散嘅第一次去到嗰啲NGO咁佢可能有個家長資源中心，咁呢個呢係來自於社署嘅資助，咁但係可能佢係集中呢係照顧某一個類別嘅家長
，家長譬如話聾生咁樣咁佢成立咗個聾童家長資源中心，咁呢個係可能目標梗係聾生嘅家長啦，咁係學校嚟講呢，亦都可能有透過唔同嘅家長會，咁但係學校嘅家長會呢，又唔係單獨係某幾個SEN學生係提高特別照顧，因為一般嚟講家長家教會咁都係整體嚟講
，睇返學一個政策啊點樣同家長溝通呀，咁所以真係每一個地方每一個類別同埋每一間學校個家長支援呢，有啲真係做得好好嘅
咁啲家長會好開心中咗個SEN小朋友喺呢間學校入面讀書，咁一路讀上去咁呀咁變咗家長又好滿足啦，有啲呢有時聽返學校有可能正。如我頭先所提啦即係佢調動資源未必會惠及 到我自己嘅仔女嘅家長，又或者我自己個仔女呢可能有啲獨特嘅問題 ，而家學校解決唔到嘅，咁相對嚟講家長咪產生咗一啲困惑呀咁甚至係投訴啦，咁而佢喺出面搵嗰個資源嘅，又限於可能係NGO提供頭先我所講
，咁如果佢冇呢方面嘅資訊呢，咁佢真係孤軍作戰嘅。
A：教授我知道呢其實坊間呢有一啲呢App或者一啲科技上面呢，可以幫助到一班SEN小朋友嘅家長係咪？
洗：而家就都存在好多即係有心人仕啦，就佢建立啲平台，咁亦都有好多資訊呢，就放咗個平台裡面咁家長呢，咁亦都可以透過呢啲途徑啦多了解啦，甚至嚟講可以有個聚腳點啦
A：係
洗：因為我都見到不同嘅組織，咁佢自己都係透過呢啲電子媒介嘅平台呢，就可以為有啲真係需要嘅家長呢係提供譬如資訊啦培訓啦，或者係有時解難，如果佢個小朋友有啲咩問題嘅咁呢個平台係專係照顧，假設呀嚴重智障嘅小朋友咁樣，咁佢哋就可以分享個經驗，或者嗰個平台照顧嘅就係嘅聽障小朋友嘅家長，咁佢哋就可以分享譬如買咗助聽器嘅經驗啊，或者學校裡面提供嘅設施呢或者服務呢足唔足夠呀。
A：咁SEN嘅小朋友呢
洗： 係冇錯喇
A：都有嘅係咪，都有呢啲平台可以幫助佢哋
洗：市面上而家好多呀真係好多
A：教授我想問呢你有冇啲乜嘢意見，可以比到一啲SEN小朋友嘅家長
洗：首先嚟講就SEN小朋友嘅家長呢，你哋唔係孤軍作戰嘅，因為事實上呢就從學校嘅層面啦，而家嚟講我相信呢你接觸學校呢佢一定係會，好多時候佢從幫每一方面幫你解難嘅，咁亦都喺社會上面呢，亦都有好多即係熱心嘅人士啦，或者係一啲非牟利嘅組織呢
都係會團結家長，咁從而呢就讓到家長呢知多啲佢有關嘅資訊啦，同埋亦都就係有個聚腳點啦，咁大家就可以即係分享自己出現嘅困難啦或者自己嗰啲成功嘅經驗，亦都我哋知道大專機構喇，亦都為家長提供培訓嘅，咁所以變咗從學校支援到社會支援到
培訓方面呢而家係存在嘅，咁但係呢有個問題啦，即係話你哋如果行多一步呢去多啲了解呢或者有啲，媒介組織呀可以
多啲宣傳呢，咁你哋我估下定係喺社會上面呢係唔會孤軍作戰，甚至嚟講呢就透過大家互相分享，你自己都有成長啦，咁你個小朋友呢亦都會最終都係受惠嘅。
A：今日多謝哂冼教授，多謝哂你接受訪問 Thankyou
*本文章的內容若未經授權，不得轉載
留言 0