網上熱話｜港女花過萬元請全家去旅行 停俾1個月家用竟被母用4字責怪：以為自己係債仔

家家有本難唸的經，即使父母與子女都想對方好，但有時會因一個不小心舉動，或一句無心之言而影響雙方關係。一名孝順港女在討論區上發文，苦呻「交家用交到以為自己係債仔」。事緣她近月花費過萬元請全家去旅行，因而想暫停俾1個月交用，母親得悉後竟在旁人面前以4字責怪女兒，令她不禁感到心灰意冷，覺得自己俾家用的舉動在父母眼中僅是「還債」。

孝順港女花過萬元請全家旅遊 欲停俾1個月家用

俾家用一向是網民熱議的話題之一，只因應唔應該俾、俾幾多都有不同看法，部分人更認為俾家用反而會令父母子女因錢銀鬧不和。早前一位港女就在討論區上苦呻，指自己「交家用交到以為自己係債仔」。她自言畢業出來工作後，「每個月都會準時月頭比家用比呀媽」，惟今個月因為「打算帶成家去旅行」、「我包機票加酒店錢都萬幾」，加上「母親節又請食飯洗左d錢」，因而想暫停俾1個月家用「回下氣」。

母親對無家用收極不滿 人前用4字責怪女兒

其實女兒主動包起機票酒店請全家去旅行，又請家人食飯，已經是一件難得的事，惟事主的母親卻不以為然，竟然向其他家人埋怨女兒「好耐無俾」家用，令事主憤怒之餘又心灰意冷，「佢可以話我今個月無比，但係唔可以屈我話好耐都無比」、「同埋可能我以為佢會體諒我呢個月洗費比較大，所以都幾心淡」。

苦呻自己猶如債仔 網民：建議唔好再俾

事主指自己其實不介意為家人洗錢，但預期「屋企人會體諒我」、「唔係無交一個月就好似追債咁話我無交」，更心淡地表示「睇黎下次我要影埋相講埋已經比左」、「屋企人做到咁都幾無謂」。事件引來網民關注，大批網民同情事主遭遇，直指「呢啲真係垃圾傳統」、「建議唔好再俾」、「留多個錢為自己將來打算」，更坦言「咪當比你睇清你屋企人」、「當正老奉養兒防老咁，就唔駛對佢咁好」、「佢只會覺得係應份」。

原文刊登於 AM730

睇完新聞，記得追蹤am730以下平台，接收最新、最啱你嘅消息！
Facebook：am730 (https://www.facebook.com/am730hk)
Instagram：am730hk (https://www.instagram.com/am730hk/)
YouTube：am730 (https://www.youtube.com/c/am730video)