涮涮鍋都要整到花咁靚！而且仲有好多新鮮蔬菜好健康添！講緊嘅係以日本空運食材作主打嘅溫野菜，踏入初夏溫野菜率先推出清新湯底！
柚子檸檬湯（$68）將柚子檸檬味嘅骨膠原湯底雪凍成玫瑰花形，未開動已可以率先打卡，另一款放滿野菜嘅「溫野菜鍋」（$68）可自己骨膠原柚子鹽湯底、或完熟番茄湯、藥膳湯等，菜鍋上桌時已將生菜及紅心蘿蔔砌成花形。
叫埋「豐之盛合」（$599）同樣有砌成花形嘅和牛，一整盤盛合有齊宮崎黑毛和牛肩脊肉、澳洲 M9 和牛肩脊肉、美國 SRF 極黑和牛三角牛小排、熊本火之國豚肉眼以及多款時令野菜。
而「海鮮盛合」（$248）則有虎蝦、帶子、鮑魚、白蜆及廣島蠔，鮮味滿瀉，想吃得更健康當然要試。「日本野菜六品盛合」（$128） 及「野菌寶石盒」（$88）多款日本直送嘅新鮮蔬菜清新香甜，最後來一杯朱古力脆皮雪糕，係優雅又豐盛嘅涮涮鍋大餐呢！
地址：尖沙咀海運大廈、九龍塘又一城、太古太古城中心、銅鑼灣 Plaza 2000
電：3106 4218
留言 0