【天后美食】福岡吉列豬排丼正宗食法滑蛋食前倒上保持半生熟

福岡正宗吉列豬排蛋丼飯食法你又知唔知？今次小編黎到天后一間隱世小店（真係處於街角隱世位架！）

試下福岡吉列豬排蛋丼飯既正宗食法。雖然小編成日都去日本，但真係唔知道原來蛋同埋飯係要分開上架！難怪成日食到都覺得豬排同飯又淋又唔好食。

店員好細心咁會講解個食法，記得要快手打卡，之後將個蛋倒上去飯到！咁就可以享用到半生熟蛋啦～

為左滑蛋有香味同有蛋味，佢地混合左兩種日本蛋，豬扒每日新鮮醃製，夠味之餘仲炸得好脆。每個細節都好用心，就係希望客人可以食到地道既味道！

因為開係民生區，同埋店長有個理念：希望街坊可以用高CP值既價錢享用到美食食物，所以全日都唔收加一💯午市套餐黃金黑豚豬扒丼，
連日本麵豉湯及前菜，都係$88咋！

仲有，原來全店的碗具器皿🥣（唔係淘寶)，都係店長同同事親自係日本抬返黎！因為只有日本先買到完全適合，同個盤一樣呎吋既飯碗！
小店內仲有好多親手畫既插畫🧑🏻‍🎨每個角落都感受到用心～夜晚仲有一人鍋打邊爐，秋天吹住涼風食飯都幾Chill 😎

-
📍地址：天后清風街1A-1B號美城花園大廈地下KL-3號舖
🕙時間：12:00 - 22:00
-

更多美食、煮食資訊同分享，
記得訂閱埋YouTube!

生活