有冇諗過眼藥水除咗令到眼睛冇乾澀、改善眼睛嘅唔舒服感之外，仲可以有啲乜嘢用？原來網上面有好多人都試過用眼藥水作其他用途，連我都大開眼戒呀！想知就嚟過期嘅眼藥水可以點樣唔浪費地妥善處理，除咗滴眼仲可以點活用，就等小編話你知啦！
圖片來源︰網絡圖片｜撰文︰Debbie
眼藥水妙用一：清潔手機/電腦/Ipad屏幕
圖片來源：網絡圖片
眾所周知，我哋經常接觸嘅電子產品，電話同平版電腦因為長期使用所以會黐咗好多污漬同油光喺上面。呢個時候如果你有一支眼藥水就可以幫部電話做清潔喇！先將眼藥水滴喺上面，然後用紙巾或者化妝棉抹吓個Mon，抹完唔單止會乾淨咗，連手指印都會消失埋！同樣嘅方法都可以清洗電腦屏幕，鏡同眼鏡添！
眼藥水妙用二：去除油性Marker字跡
圖片來源：網絡圖片
屋企有小朋友喺窗同牆到亂咁畫嘢又唔知點清？眼藥水幫到你！只需要喺紙巾上滴啲眼藥水，再用紙巾擦拭牆上的油性Marker，即刻乾淨哂！
眼藥水妙用三：消腫止癢
圖片來源：網絡圖片
網上仲有一個說法，眼藥水可以用作預防蚊蟲叮咬！我哋只需要用眼藥水滴喺蚊蟲叮咬過嘅位置，就可以幫助我們消腫止癢㗎啦～因為眼藥水裏面含有甘草酸二鉀，可以起到消毒殺菌止癢的作用，不過票擦落身上有傷口嘅位置，小編就建議大家唔好試了。
講完以上幾點之後，係咪即刻覺得眼藥水用途多多呢？不過呢啲都只係佢哋嘅第二種作用，最重要都係幫到你舒緩眼睛疲勞同放鬆眼部肌肉，改善視線失焦！就等小編都推介幾支不含防腐劑、CP值高嘅眼藥水俾大家啦！
眼藥水推薦（1）- 淚然人工淚液
圖片來源：屈臣氏
原產地：法國制造
除咗可以舒緩眼乾、風沙、強光引起嘅不適之外，仲可以保持眼睛濕潤！
售價：HKD19.9
眼藥水推薦（2）- 亮視Refresh Plus Lubricant Eye Drops
圖片來源：HKTV MALL
原產地：愛爾蘭制造
能長效舒緩眼乾，減少刺痛不適感同有效修角膜細胞1,3，滋潤您乾澀及刺激不適的眼睛，回復明眸眼神。
售價：HKD115 （30支）
眼藥水推薦（3）- 樂敦盈保濕潤眼液
圖片來源：屈臣氏
原產地：日本制造
性質溫和，pH值如天然淚水相近，有效減少淚液蒸發,並令淚液長時間緊貼角膜, 持續給乾澀眼睛清新滋潤
售價：HKD59.9 （13ml）
相關文章：【捨不得丟！斷捨離3大成功法則 禮物/生日卡又該如何處置？】
——————————————————
Follow 我地睇更多最新情報！
Facebook – SAUCE – 為生活加一點味道
Instagram – sauce.media.hk
MEWE – SAUCE – 為生活加一點味道
Website – https://saucemedia.net/
留言 0