【LINE你睇】熱飲凍飲「走冰」都要加$3 港連鎖茶飲店新收費有解釋

香港不少茶餐廳均有凍飲加$2或加$3的規定，港人早已見怪不怪，不過最近有網民在一間本地的茶飲店卻發現，竟然連熱飲/ 走冰也要加$3，因收費手法新穎聞所未聞，在網民發帖後引起熱議。

該名網民在Facebook群組「飲食黑店大全」發帖，圖文並茂指出一間連鎖茶飲店價錢牌上告示：「如鮮奶飲品走冰或熱飲，需另加$3 ，因鮮奶份量加多」。

雖然店家有就額外收費解釋，不過就未能令該網民接受，發文諷刺店家「真係好肉酸」以示不滿。Facebook群組網民卻意見兩極，不少人留言撐店家，認為既然白紙黑字說明原因，如果不接受可以不幫襯，反指發帖文的網民是「西客」。

而贊成事主的網民則表示不理解為何同樣情況，有些店家會因為加冰收費，又有些卻會因為「走冰」收費，認為標準太難以拿捏，需思考「到底冰貴定奶貴？」有人無奈表示：「真係好有趣！茶餐廳… 凍飲又要加錢(因為冰塊要錢)。飲品店…熱飲都要加錢(因為奶份量要多)！」有留言則奉勸各位要尊重每個店家不同的運作方式，但說到底營運成本該如何計算還是一個謎：「茶飲店加錢嘅真正原因，你估唔到㗎。」

【LINE你睇】每日精選網絡熱話，源源送上新鮮事，LINE你睇唔驚冇話題。