🤣尼排真係好hit 牛角包整嘅窩夫，所以今日行屯門見到尼間 Kuru Lab, 都好想試下，加上佢價錢又合理，所以都揀咗好幾款返屋企試下😋
🥐牛角包窩夫系列
伯爵茶無花果🌱
牛角包窩夫系列全部都好啱打卡，佢個樣勁靚，好似去咗韓國Cafe食甜品嘅感覺。無花果都好新鮮，夠晒甜，佢啲cream都有淡淡嘅伯爵茶味，而我最鍾意佢嘅係唔會好膩，同埋都好香。窩夫就係用牛角包壓成，新鮮出爐，外面就好脆入面煙韌，都幾特別嘅口感，但唔會好油膩。
韓國草莓🍓
士多啤梨好甜，佢雖然外表細細粒，但上面就滲左糖粉，真係好有少女感。今次呢款，啲忌廉就係原味，好香嘅奶味。牛角包窩夫就依然好出色。
鮮芒果🥭
我自己個人就真係最鍾意係芒果啦。啲芒果雖然已經唔算係時令，但係依然好新鮮同埋好清甜，真係令人覺得好驚喜。
🥞千層批系列
蘋果吉士忌廉批🍎
佢個樣已經勁吸引，成個都係金黃色同埋佢啲酥皮真係好似千層咁都數唔到有幾多層，紋絡仲好有牛油香真係非常之吸引。咬落去好鬆脆口感好正。味道方面蘋果少少酸但係偏甜配上佢濃郁嘅吉士，真係好夾。
韓國草莓批🍓
草莓批就真係第一次食啦，佢啲酥皮真係做得好出色。而草莓醬都好好味，好香甜，但唔會太膩
濟洲柚子菠蘿批🍍
呢款就真係好推介啦，無論係有子定係菠蘿都係俾人感覺好熱帶同好清新嘅感覺，配上過千層酥，真係一流。菠蘿真係好甜特別係經過how焗之後佢個甜味就更加濃郁，配上柚子嘅清新，味道真係好平同埋唔會太甜。
👍🏻佢哋個千層酥真係做得好出色，見到佢哋係新鮮焗，焗嘅時候都聞到好香嘅味道。不過睇返啲資料，原來佢哋係一間攞過獎嘅千層酥嘅姊妹店，怪唔之得佢哋嘅酥皮係做得咁出色。其實佢哋嘅價錢都十分之親民，所以大家經過都可以試吓㗎✨💕
📍 Kuru Lab (屯門)
屯門屯順街1號屯門市廣場1期1樓1268號舖
地點：#we2log_屯門
類別：#we2log_小食
▼ Follow we2log
留言 0