3個雨天玩樂活動推介！ 以後落雨唔洗怕 劇本殺/密室逃脫/氣槍射擊最新潮

黎到8月，天氣正式踏入雨季，最近仲經常打風落雨，搞到想去郊遊放鬆下都好難。不過其實香港各區都有唔少室內玩樂場，近年仲引進左越黎越受年輕人歡迎嘅劇本殺、密室逃脫等新玩意！以後唔洗再睇綜藝節目睇到心郁郁啦～ 想知香港邊度有得體驗到，小編今次就為大家逐一推介，有興趣嘅記得約埋朋友一齊去一齊玩！

圖片來源：holimood、kkday、第二人生體驗館、Crime Lab解謎研究所、LARPHK、Larp & Co. 啦咔劇本工作室、LOST Hong Kong、網絡圖片｜撰文：Candice

最新潮室內玩樂活動推介1. 劇本殺

劇本殺係一種真人角色扮演遊戲（Live action role-playing game），參加者會扮演唔同角色，分別獲得劇本同得到少量資訊。係兇案發生同發現屍體後，大家就會一齊於兇案現場搜證同自我介紹。

遊戲會由主持帶領，參加者需要隱藏對自己不利嘅線索，同時亦需要分析其他人提供資料嘅真假。係大家一齊討論同排查後，再推論出案發經過，最後投票選出邊個係兇手！

唔好以為劇本殺就一定係恐怖，其實佢嘅劇情有好多種類，包括古風、靈異、溫情、日式等等。大家可以自組或約團，有足夠人數就可以開展解謎之旅。唔同嘅劇本長短同難度亦會影響遊玩時間，大家記得係選擇劇本前了解清楚～

而家香港有4個地方都可以體驗到劇本殺，當中有還原場景，提供人物服飾同自製道具，部分更是原創劇本，最平只要$180就玩到，大家有時間都可以約埋成班朋友佢試玩！

【INFO】

1. 第二人生體驗館

地址：香港尖沙咀廣東道80號Cantonyama 3樓

收費：目前提供2個劇本，劏房殺人夜($220起/位，遊戲時間90分鐘)，養鬼($350/位，遊戲時間120-150分鐘)

2. Larp & Co. 啦咔劇本工作室

地址：長沙灣秋創商業大廈4樓A1

收費：$230起

3. LARPHK

地址：觀塘鴻圖道6-8號樂居工業大廈5E

收費：$180起

4. Crime Lab解謎研究所

地址：觀塘駿業街43號創匯廣場208室

收費：$180起

最新潮室內玩樂活動推介2. 密室逃脫

除左劇本殺，真人密室逃脫同樣超級刺激！遊戲其實係一個集合獨特同互動的嘅現場解謎事件，玩家們會被置身於一個特定場所，通過裝修同設計，營造逼真場景。 玩家將會有不同嘅身份、任務同故事劇情，大家需要係規定時間內，通過尋找線索、團隊合作、 通過不同嘅謎題關卡，最終完成任務，逃離密室！

如果你係一個鍾意解決複雜謎題，或者 ”自覺” 聰明同想接受挑戰嘅人，密室逃脫可以一次過係智力、體力等層面帶比你全新嘅挑戰～

密室逃脫同樣可以有唔同嘅劇情同主題，最近更有酒店staycation搞搞新意思，將酒店客房變成情報基地，讓客人變身成現代密探穿越秦代，破解古老長生不死之謎。

如果想體驗各式唔同嘅主題劇情，大家亦可以到LOST Hong Kong嘅各區分店逐一體驗，遊戲人數由2-8人不等，時間大概45分鐘，內容由歷史到恐怖都有，大家可以自己睇完介紹再選擇難度！

【INFO】

1. LOST Hong Kong 真人密室逃脫門票優惠（按此預約）

開放時間 : 星期一至四 12pm – 10pm

銅鑼灣店地址：​銅鑼灣白沙道1-3號 1/F (利園山道入口)

旺角店地址：旺角亞皆老街24-26號東方大廈8樓 (旺角地鐵站D3出口)

收費：$150/每人

2. 富豪香港酒店密室逃脫住宿計劃 （按此預約）

套票包括：密室逃脫遊戲門票 + 豐富自助早餐 + 酒店餐廳消費7折優惠 + 延遲退房至下午3時

收費：$980起

最新潮室內玩樂活動推介3. 室內氣槍射擊 (按此預約)

邊個話一定要戶外先玩得wargame！而家唔洗日曬雨淋，係室內都可以玩到同wargame一樣咁刺激嘅氣槍射擊活動～

室內場以模仿室外場景為主，同WARGAME玩法大致相似，但對戰距離會近D比較刺激！場內設有多個仿真場景例如迷宮、貨倉、危險倉庫、貨櫃場、坦克車、市集、滑梯等等，增加玩家對遊戲投入度。遊戲中仲會加入燈光效果，背景音樂同噴放煙霧，提升緊張氣氛～

場地佔地超過三萬尺，可容納120人，岩曬親子、朋友聚會，就算係多人大混戰都一樣得，超刺激！

【INFO】

射靶體驗套票（按此預約）

地址：油塘美塘工業大廈4/F

套票包括：適合二人或以上進行體驗，可選擇任何一款槍在45分鐘內與朋友在遊戲區內進行對戰／射靶、包2000 發 BB 彈

小食一客、罐裝飲品 x 2