黎緊連續放4日長假唔知去邊玩好？最近尖沙咀K11 MUSEA又有新搞作啦！今次呢個打卡熱點超夢幻，陣容仲好鼎盛，係由蘇格蘭威士忌經典品牌The Macallan（麥卡倫），同英國普普藝術教父Peter Blake聯手合作推出嘅「The Macallan Anecdotes Of Ages 時代軼事系列」Pop Up展覽～ 由即日起到6月23號，大家只要去K11就可以欣賞到無邊際鏡面光影麥田，普普藝術教父1:1工作室同相關嘅藝術品展覽，內容超豐富，大家有興趣就要即刻睇睇詳情啦！

圖片來源：IG@cat.hiker、@faye_tsui、 @christongg、 @mafarnsimon、 @chairmen.hk、 @themacallan_hongkong｜撰文：Candice

展覽神還原普普藝術教父1:1工作室 多件藝術品+剪貼素材比你打卡

作為The Macallan同普普藝術教父Peter Blake嘅第三次跨界合作，本次展覽特別將Peter Blake爵士位於英國的工作室，以1:1等比例神還原帶黎香港！

工作室內有超多具時代感嘅懷舊風畫作，簡直就係一個理想嘅art studio！

當中展出嘅多件普普藝術作品，都係以大量剪貼素材構成，整個工作室空間獨特又有文青氣息，同時仲可以比大家窺探大師嘅秘密創作空間添～

打卡必去超夢幻粉紅Teamlab光影麥田！無邊際流星雨燈海效果輕鬆影出靚相

除左大師嘅工作室之外，場內仲有一片無限鏡面光影麥田！成個場都佈滿左粉紅燈海同閃閃發光嘅金黃色麥田，透過落地鏡面透射，有種無限延伸嘅視覺錯覺。

呢個咁唯美嘅打卡位設計靈感黎自於蘇格蘭麥田，大家黎到一定唔可以錯過，打完卡真係當堂有種去左外國旅行嘅感覺㗎～

藝術展覽見證The Macallan發展歷史 特別展出13瓶獨有紀念珍品佳釀

最值得注意嘅係，其實整個展覽所展出嘅每一幅拼貼藝術作品，都見證住The Macallan嘅歷史同傳承啟發。

當中Peter Blake爵士更係「The Macallan Anecdotes Of Ages 時代軼事系列」特別創作，展覽合共會展出13瓶的極珍貴世界獨有紀念珍品。

而當中獨具風嘅67年「The Giant and The Fish」佳釀都會有份！黎睇一次展覽，就好似真係去左當地酒莊參觀咁啦～

呢個打卡新熱點又有得影相又可以陶冶性情，各位文青潮人都記得把握時間黎打卡啦！

【INFO】

「The Macallan Anecdotes Of Ages 時代軼事系列」Pop Up展覽

地址：尖沙咀K11 MUSEA Level 1, 105室 

開放時間：即日至6月23日 ，每天11:00am–9:00pm（星期一至日）