白蘿蔔炆豬肉

食材
大根 約700克
洗米水（灼蘿蔔用） 適量
薑 3片
五花腩 400克
油 1湯匙
蠔油 3湯匙
洗米水 400毫升
冰糖 30克
調味酒 適量
作法:
1 ：
洗米先，洗左一次倒左水後，第二次落多d水，洗完第二次要留起洗米水備用。之後加正常水量煲飯即可。
2 ：
洗乾淨大根切件，約3厘米一件，去厚皮，去角，增加接觸面和不易溶。
3 ：
大根落煲，加洗米水浸過面，冚蓋大火煮滾，水滾轉中細火煮10分鐘。熄火焗多5分鐘。之後先撈出隔水備用。
4 ：
豬腩洗乾淨印乾水切大件，約兩至三手指大細。
5 ：
洗乾淨煮完大根既煲，抹乾，落油，放薑，中大火煎薑片至金黃色，放豬腩煎至表面金黃色即可，不用全熟。
6 ：
豬腩煎好後用張廚房紙去吸走大部分肥油。加大根，輕輕兜勻，再係煲邊落調味酒，炒勻。加蠔油，炒勻。加洗米水同冰糖，兜勻。
7 ：
將大根沉底，豬肉係面，冚蓋，大火至水滾轉中細火炆。15分鐘後可兜一兜轉，再冚蓋炆15分鐘。熄火焗一至兩時。如攤凍入雪櫃隔一晚再番熱味道會更濃郁。
8 ：
焗完一至兩小時，冚蓋中火,水滾後10分鐘左右至收汁。熄火，加麻油兜勻即可。