又到聖誕！又到聖誕！聖誕節嘅其中一個重點係聖誕禮物，講起聖誕禮物就會諗起玩具，咁呢個聖誕玩具工場就啱哂喇！
玩具一直陪住大家成長，由細細個到長大都各有各鍾情嘅玩具！
襯聖誕咁歡樂嘅日子，呢度舉辦左個好特別嘅玩具展，名叫「聖誕玩具工場」！
普天同慶嘅聖誕節，當然要嚟個靚靚打卡！
抬頭一望，場內首設4米懸浮聖誕樹好吸睛，掛住嘅波波同燈飾互相輝映，打卡啱哂！
上到 5樓室外嘅空中花園，好多巨型扭蛋喺度，仲有好可愛嘅Figure公仔，俾大家任打卡！
到左夜晚，啲扭蛋仲會發光，成個天台變左夢幻扭蛋樂園，好浪漫呀！
喺扭蛋燈飾中間，仲有一個巨型球水晶球！
入面有好多唔同角度嘅魔鏡，啲LED燈仲會不斷變色，影出嚟嘅感覺好奇妙嫁！
同場喺 3樓仲有個《亞洲玩具展》，展出11 位原創嘅大熱 Figure！
有香港的 YUTONG (魚童)、赤鱬、Labubu 以及 POOL BABIES、日本的 BYRON RANGERON、新加坡怪物小 Monster Little、泰國 Elfie (小象)、台灣舉牌小人和爽爽貓、 中國 UMASOU!同埋韓國 AVO！不定期更新嫁～
《聖誕玩具工場》
地址：旺角彌敦道700號T.O.P
時間：11月 21日至 1月 10日
Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
留言 0