最近係西貢新開嘅WM hotel終於正式開放啦，酒店除左設計超級豪華，鄰近海濱仲有落地大玻璃～ 客房總共有260間同7種房型，大部分房間更設有露天浴池、私人花園，頂樓嘅無邊際泳池更係酒店一大賣點！如果你係愛狗之人，酒店更透露暫定會於9月推出「愛犬度假遊」，每房最多可攜同15公斤以下的愛犬兩隻。各位staycation發燒友想知到底點book同詳細房價就記得睇到最後啦～
圖片來源：WM hotel、trip.com｜撰文：Candice
自從無得去旅行，放假無論同屋企人、閨蜜定另一半嘅最佳放鬆節目都係去靚酒店staycation！相信經過呢一年半，大家可能都已經去勻曬比較出名嘅大酒店，如果你都愁緊下次唔知試邊間酒店好，不妨考慮下最近西貢新開嘅MW Hotel～
西貢新酒店 WM 設計走簡約風格，以白色及木色為主，鄰近海濱仲有落地大玻璃，各位住客除左能夠飽覽到西貢海濱嘅無敵大海景，仲可以瘋狂打卡，而家即刻望下有咩房型啦！
1. WM hotel高級客房（按此預約）
酒店房間好有度假feel，木系裝修令人感覺十分放鬆，房間位置亦闊落～
2. WM hotel豪華露台客房（按此預約）
3. WM hotel豪華海景露台客房（按此預約）
如果係鍾意海景但budget又唔多嘅朋友，呢個豪華海景露台客房相信就可以一次過滿足曬你！
4. WM hotel尊貴私人花園客房（按此預約）
想再住得舒服d，仲有唔少大房型設有私人花園，住客可以出露台坐坐欣賞風景！
5. WM hotel尊貴私人海景花園客房（按此預約）
6. WM hotel特色海景露台客房（按此預約）
7. WM hotel特色海景私人花園客房（按此預約）
想望到嘅海景更加遼闊，酒店仲有尊貴私人海景花園客房、特色海景露台客房同特色海景私人花園客房可以比大家選擇，真系無論budget幾多都仲有合你心水嘅房型！
另外酒店頂樓仲設有75米露天無邊際泳池，大家可以係果度欣賞到180度無敵海景，感覺就好似去左外國嘅豪華酒店一樣，偽旅行一流！
客人有興趣仲可以使用位於平台LG樓層嘅健身室設，當中包括各種先進健身器材、桑拿浴室和蒸汽浴室，真系望到相都想快d去試下住啊！至於餐飲方面，位於酒店LG嘅WM咖啡廳無論中西式美食都有齊，餐廳更特設酒吧區，大家亦可以同朋友知己小酌一杯，超有情調～
而家只要係網上就可以book到，大家都即刻去揀番間心水房型試試啦！
【INFO】
WM hotel
地址﹕香港新界西貢惠民路 28 號
價錢：約$1,499至$4,058/每晚（因應不同房型計算）
留言 0