囝囝扭計：我恨媽媽孫燕姿怒回：「你死掉我也不會在意」

孫燕姿結婚7年，囝囝「納小子」已經6歲，早前也宣佈了一家人正開開心心準備迎接第二個小生命。今朝突然喺面書發咗篇中英對照嘅千字文，仲自認係「糟糕父母」，囝囝甚至對佢惡言相向，吐出「我恨媽媽」4個字，佢亦不留情地怒回了：「你死掉我也不在意。」，究竟兩母子咩事搞到咁大仇口？

撰文：Sunday Kiss 圖片：孫燕姿Facebook專頁

孫燕姿自認「糟糕父母」？

原來係因為過去9日，佢為咗要照顧疑似患咗肺炎嘅囝囝，連門口都唔敢出。原本又可愛，又黐身嘅「納小子」，突然變咗亂發脾氣，又亂踢人嘅小怪獸！

因為囝囝不想食藥，又成日掛住睇電視、食朱古力，所以孫燕姿不斷同個仔嗌交，搞得身心俱疲！

到咗第8日，「納小子」嬲媽媽對自己咁嚴厲，就寫咗張紙條，上面寫住：「你恨我」以及「我恨媽媽」。

燕姿睇到當然好嬲！於是一氣之下，就回咗句：「是嘛？如果你死掉我也不會在意的！」燕姿事後才意識到，呢句說話對小朋友嚟講殺傷力好大，所以反省自己係「糟糕的母親」。