😚今次約咗個好耐冇見嘅朋友出嚟尖沙咀食嘢，同埋順便行埋M+博物館，展覽內容都好豐富，大家有興趣都可以過去欣賞下啲作品😜我哋今次就去咗尖沙咀一間樓上Cafe食一個下午茶嘅set，今日落住雨冇辦法坐喺平台花園，如果唔係打卡就一定好靚🤢
🧁當海神遇到花仙子下午茶set $328
由最下層講起啦，下層就有一啲炸雞翼炸雞鎚，芝士焗青口，同埋炸芝士。芝士焗青口都幾好食，唔會有異味，鮮味都足，口感正常。炸物來講，雞鎚嘅味道都幾豐富，幾惹味🤪
👍🏻到中間嗰層，有煙三文魚他他，有雞尾酒蝦，蟹肉蘑菇酥皮盒。中間嗰層來講煙三文魚他他係最好食嘅😚，可以食得出三文魚嘅油脂感，同時煙三文魚嘅味道唔會過分鹹。配上上面嘅魚子醬，口感就更加豐富。蝦都幾彈牙，酒味唔會太濃。蟹肉都比得幾多，鮮味都足夠👍🏻
🍧到咗最上面嗰層，就係甜品區，都係一啲比較常見嘅甜品類別，例如Brownie，冬甩，奶凍，貝殼蛋糕等等。個人我自己最鍾意嘅就係佢嘅貝殼蛋糕，佢嘅味道係牛油香橙味，香橙同埋牛油味都非常之夾，入面仲有一啲橙皮同果肉，可以令到牛油蛋糕更加清新。口感都好夠濕潤，牛油味香，其他就都係偏向正常嘅味道啦
呢個下午茶set就包咗兩杯飲品同埋三個醬汁，飲品方面我哋就叫咗一杯摩卡一杯latte，落住雨飲住咖啡，感覺都幾chill
唔知大家又覺得呢個價錢食呢一個set抵唔抵食呢，留言話我哋知啦~
📍 Cafe Terrace (尖沙咀)
尖沙咀亞士厘道24-38號天星大廈4樓平台
▼ Follow we2log
