【家長投訴】2歲幼童遭收取茶位費　家長抵制餐廳表達不滿

不少茶餐廳或茶樓都有收取「茶錢」的不成文規定，然而幾歲開始收取「茶位費」方合理呢？本地一名家長日前就爆料某餐廳向2歲幼兒收取茶位費，放上網公審之餘更揚言會抵制店家，以表達不滿。而網民則有不同看法，有人能理解餐廳收茶位費的舉動，亦有網民抨擊餐廳太離譜！

Photo from 《愛回家之開心速遞》劇照

2歲BB遭收取茶位費

事主於Facebook群組「飲食黑店大全（全港食店質素／價錢／服務關注組）」發帖，表示他們夫妻二人帶著2歲幼兒前往屯門屯隆街某餐廳用餐。結帳時，事主驚訝發現茶位費竟然收取3人位。從事主公開的收據可以看見，三人一共被收取了$24的茶位費。事主以為是收銀搞錯，只好向對方求證：「2歲BB都要收茶位？」點知對方態度強硬回答：「係啊！」雖然三人茶位費不多，不過事主不願吃悶虧，直言以後不會再幫襯該餐廳。

「係香港咁耐真係未聽過2歲BB都需要收茶位，總之以後都不會再幫襯！」

Photo from 《認識的妻子》劇照

網民不解餐廳為何收取茶位費

帖文引起網民熱議，部分網民支持事主，認為餐廳普遍會從3歲起收取茶位費，抨擊餐廳做法不合理，「酒樓收茶位聽過，餐廳收茶位錢我也是第一次聽」、「以前 BB 唔收茶錢 」、「人頭計，現在酒樓係咁，服務態度差，劏客先，一蚊都唔會放過」、「其實點解啲餐廳要收茶錢？又唔係飲茶」、「遲下大肚婆入座，最起碼都收兩位茶錢！」

Photo from 《愛回家之開心速遞》劇照

茶位費=座位費？

不過有網民就認為事主大驚小怪，解釋大部分食肆的茶位費其實是當作座位費，「

茶位唔代表飲茶，係講緊佔嘅座位，即係茶樓嘅座位，咁諗個心會舒服啲」、「咁你個2歲B有冇佔座先？有就咪嘈，雖然係叫茶錢，但你當係座位費咁解」、「2大1小就計3位，香港大部分食肆都係咁計。唔想計茶位，咪去啲冇茶位嘅舖頭食」。

延伸閱讀：
【女性健康】嚴重嘔吐脹氣 孕婦只當是孕吐　最終因1症狀做胃鏡 驚揭胃癌中晚期
延伸閱讀：
【育嬰園2024】在職父母必看！全港17間資助嬰兒園最新收生詳情+學費概覽
Text：Mami Editorial

Source：「飲食黑店大全（全港食店質素／價錢／服務關注組）」

閱讀完文章，記得追蹤 MamiDaily親子日常 以下平台，隨時接收最新育兒教育資訊 ！

【Follow MamiDaily親子日常 IG】

【Like MamiDaily親子日常 FB】