大家細個都可能有睇過《大唐雙龍傳》，由林峯飾演嘅寇仲，同吳卓羲飾演嘅徐子陵當時都好受歡迎㗎！
除咗兩大男主角之外，呢套電視劇亦都雲集唔少當紅女演員，有唐寧、楊怡、胡定欣、翁虹等。
依家嘅楊怡、胡定欣都先後攞過視后，佢哋喺當時嘅《大唐雙龍傳》就已經嶄露頭角。
今日，《大唐雙龍傳》入面飾演陰后祝玉妍嘅翁虹就喺微博po出佢同胡定欣、楊怡嘅合照，並留言話：「大唐雙龍三姝十五年後終於歷史性一刻相聚～開心無惧淡妝和素顏～沒在怕的感恩歲月對我們的眷顧 若年輕則歲月不老！珍惜感恩」
唔講唔覺，原來套劇係2004年播㗎！至今已過咗差唔多15年喇！不過就咁睇相，三位同15年前分別都唔大喎～
視后楊怡同胡定欣罕有咁公開合照，兩人喺頒獎典禮嘅舉動曾經成為網民熱話。
大家仲記唔記得佢哋嘅角色呢？
Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
留言 0