今時今日，唔係話要廚藝超群，煮到識飛至可以入廚，只要肯試肯煮，人人都係大廚，之不過除咗煎炒煮炸之外，大家又識唔識燒燜煀扣等烹調方法呢？其實唔需要識晒，起碼知己知彼，學多一兩道板斧，有人問起都唔會口窒窒吖麻！
－－－－－－－－
「臘」主要是指處理肉食的一種方法，將肉類（魚、家禽等）以鹽或醬醃漬後風乾或熏乾，故又稱醃臘。醃臘在香港並不普遍，由於溫度及濕度高，缺乏天然風乾的條件，加上地方小，難騰出地方曬乾臘味，故一般家庭都少有會自製臘味。
當然也有煮人例外，如趁「臘月」秋冬時天氣較寒冷乾燥時炮製小量的臘雞或臘魚，但普遍人都會直接從市場上選購如臘腸、臘鴨、臘肉等臘味，當中又以臘腸最得廣東人歡心，就算是夏天，也愛吃臘腸煲仔飯。小編嗜吃臘味，儘管依是熱辣辣的炎夏，也會間中炮製臘味飯食用，而今日就簡單教大家炮製一款臘鴨髀臘腸煲仔飯，仲要用瓦煲來炮製，風味十足。如果大家想挑戰一下自己，都可以嘗試自製臘腸，小編亦提供一個食譜，有興趣亦可試試。
臘鴨髀臘腸煲仔飯
材料：
臘鴨髀 1隻
臘腸 1條
白米 1量杯
清水 適量
冰糖或片糖 適量
做法：
1. 煲滾水，放入臘腸汆水，去除面層污物及油脂，取出，斜刀一開二。
2. 煲滾水，下冰糖或片糖，放入臘鴨髀，灼10至15分鐘，取出瀝乾水斬件。
3. 洗米，放入瓦煲內，注入適量的水，開火，水滾放入已汆水的鴨髀肉及臘腸，差不多乾水冚蓋收慢火，煲多3至5分鐘即可。
———————————
自製臘腸
材料：
脢頭肉碎 2斤
鹽 15克
生抽 1湯匙
沙糖 75克
玫瑰露酒 40克
雞粉 2茶匙
胡椒粉 6克
腸衣 約1米長
棉繩 適量
做法：
1. 腸衣用清水浸一會再清洗。
2. 除腸衣及棉繩，全部材料拌勻。
3. 以唧花袋及漏斗協助，將拌勻的豬肉灌入腸衣，打結收口。
4. 每隔一段用棉繩索好，用針於每一段腸面擢一些氣口放氣。
5. 放於通風置吹乾，或用食物風乾機風乾12至18小時即成。
東網網站 : https://on.cc/
東網Facebook專頁 : https://www.facebook.com/onccnews/