｜Package介紹｜
💁🏻♀️今次就揀咗一個package： $724 ，包住一晚再加多$520就可以享有2人嘅自助晚餐，早餐套餐，同埋可以享用房間內嘅Mini bar，入邊仲有咖啡機可以玩添
｜房間介紹｜
🤔尼個價錢黎講，間房真係冇得頂，一入到去光線都非常之充足，空間感都好夠，仲有一個大玻璃窗，個景就係喺尖沙咀百周年花園嘅園景，陽光照入嚟嘅時候喺度打卡影相都唔錯嘅，我最鍾意嘅就係廁所包埋浴缸，仲要望落都幾乾淨👍🏻乾淨真係好重要！
｜拾味南歐海鮮自助晚餐介紹｜
🤌🏻今次我哋揀嘅自助晚餐主題係拾味南歐海鮮自助晚餐😚 ✨✨食物種類都相當之豐富一入到門口就會見到超級大一個甜品區，跟住再行前啲，就會見到多款嘅海鮮冷盤，右手邊就會有一行嘅熱盤同埋飲品區，再嚟就係各款嘅冷盤前菜。繼續向前行就會見到一啲日式壽司同刺身。而最前面就有一啲肉類同埋鐵板燒😛
👉🏻拾味南歐海鮮自助晚餐：海鮮
🦐海鮮方面，就有蟹腳，凍蝦，蜆，青口同螺。凍海鮮都算OK嘅，冇其他異味，都食得出鮮甜嘅味道， 蟹腳就食到好重嘅海水味。另外，亦都有已經煮熟嘅海鮮例如有啲麻辣小龍蝦，仲有一啲海鮮燉飯，芝士焗蠔等等嘅菜式，味道都唔錯㗎👍🏻👍🏻
👉🏻拾味南歐海鮮自助晚餐：肉類
🍖肉類方面，除咗已經預先煮熟一盤盤擺咗喺度保溫嘅雞，牛，豬，魚之外，仲有即場煮嘅鐵板燒。佢啲款式會間唔中轉下，例如有一口牛同埋羊架，仲有腸仔同埋雞翼可以選擇。火候都好足調味都好足。另外隔離仲有片皮鴨可以食，味道都唔錯㗎，佢啲片皮鴨一啲都唔孤寒，份量都好足😛，個皮都係好夠熱。另外都唔少得有一個專人負責切牛扒，望落都好粉嫩，食落都OK👍🏻
👉🏻拾味南歐海鮮自助晚餐：甜品
🍧甜品方面，就好值得讚賞啦😍😍，佢嘅種類真係非常之多，亦都會喺自助餐期間，間唔中推出一啲比較驚喜✨嘅款式，例如火焰雪山，雪燕燉桃膠等。仲有常駐嘅朱古力噴泉同埋有其他中式同西式嘅甜品。水準都算係算中上嘅程度👍🏻。我哋就特別欣賞佢嘅葡撻仔，雪燕燉桃膠，麵包布甸，chorus仲有任食Movenpock雪糕添🤪🤪正呀
👉🏻拾味南歐海鮮自助晚餐：整體評價
✅整體來講其實都幾抵玩，只要加$520就可以有兩個人任食自助晚餐，菜式仲要咁豐富，質素都唔錯👍🏻，一定會可以滿載而歸。鍾意食甜品嘅朋友仔就一定會更加開心啦😍，因為佢真係有一大個corner同埋都有多款驚喜嘅甜品，大家記住要間唔中出去留意吓。另外有得任食蟹腳同埋其他冷盤海鮮都係非常之開心。同埋竟然有片皮鴨食，呢個都真係幾驚喜👍🏻。服務方面，收盤嘅速度都幾快。不過可能假日嘅關係，就比較多人食，坐嘅位置比較逼🤢，不過整體攞嘢食嘅位置都唔會太迫🥹。食物refill嘅速度都好快，好少會見到出面攞嘢食嘅位置會有吉盤👍🏻👍🏻
｜早餐介紹｜
🥗我哋揀一個package就包埋兩位嘅早餐，不過就唔係自助早餐，當日去到餐廳，就可以坐低揀你想要嘅套餐。其實都係中式同埋西式嘅分別，我哋兩個就揀咗西式嘅全日早餐當然仲有其他西式早餐嘅選擇。🤌🏻除咗一份全日早餐之外，佢亦都會附送麥片，牛角包，乳酪，果汁同水果仲有咖啡或者茶，所以個早餐都好豐富。呢份全日早餐都係一啲好常見嘅配搭有煎蛋或奄列，腸仔，煙肉，薯餅仲有沙律。我都幾鍾意我揀嘅芝士蛋奄列，佢入邊啲芝士係半融狀態配埋蛋嘅蛋香，真係非常正🤤🤤💕
｜整體package評價｜
✅✅整體來講，個食加住嘅package，都真係幾抵玩嘅👍🏻，質素都唔錯，夠乾淨，服務都非常之好👍🏻，地段來講都好方便喺尖沙咀中心嘅位置，大家可以去附近買嘢食，又可以去Donki掃下啲零食返酒店🤪。大家有興趣都可以趁住佢哋個優惠完之前book尼試吓玩㗎。呢個價錢來講都真係幾令人滿意～💕
✅如果大家有興趣可以去佢地instagram同website睇下～
instagram: @parkhotelhongkong_
web: https://www.parkhotelgroup.com/zh/hong-kong-sar/park-hotel-hong-kong/offers/foodcation-package/
✨💕大家記住留意我地最新消息，隨時有優惠推介比大家～
📍 百樂酒店 Park Hotel
九龍尖沙咀漆咸道南61-65號
Park Cafe
▼ Follow we2log
留言 0