櫻桃子老師喺兩個月前，因為乳癌離開左我地，但佢為我地留下左永遠嘅好朋友-小丸子。
相信好多喜歡小丸子嘅朋友都好不捨老師嘅離開。櫻桃小丸子由1986年開始陪伴住大家成長，相信有睇過呢套漫畫或動畫嘅人都覺得小丸子好可愛。
為左感謝老師，故特設紀念活動，俾大家回顧老師嘅作品。
呢個1比1嘅工作室裝置，係跟據老師自畫嘅漫畫面整嘅，好似重現左老師創作時嘅場景。見到老師微笑創作嘅模樣，彷彿就知道點解小丸子呢個作品咁暖心。
為左紀念櫻桃子老師，呢度以櫻花為主題。場內有兩個掛滿櫻花牌嘅架，俾大家留言，向老師表達最後嘅心意。
櫻花心意卡之後會寄到老師嘅工作室，將大家嘅摯誠心意完完整整咁送俾老師。
櫻桃子老師喺出道 30週年嘅時候，曾經講過：「在這30年間，不論是美好的事或艱辛的事都有很多，但大家都讓我作為作家過了非常幸福的月日。光是感謝仍不足以形容我的心情。」所以呢次嘅紀念都會同大家分享老師嘅其他作品，令大家更了解櫻桃子老師。
呢兩本大漫畫書嘅封面，同櫻桃小丸子嘅第一、二冊封面一樣，俾大家重溫番咁經典嘅漫畫。
入面寫滿左老師嘅生平，仲寫左老師有關小丸子嘅訪問內容。
好似問到小渚同學同花輪同學嘅戀情，老師好堅定咁答：「0%！」。
睇到會更了解小丸子呢套漫畫，亦都會會心微笑。
雖然呢位咁有才華嘅老師離開左我地，但以老師為寫照嘅小丸子會一直陪伴大家！
希望老師安息，謝謝您！
《「櫻桃子老師，感謝您！」記念活動》
日期：2018年10月16日至30日
地址：銅鑼灣皇室堡地下中庭
Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
留言 0